Ерік Мағзұмұлы Асанбаев

Асанбаев Ерік Мағзұмұлы (10.3.1936, Қостанай облысы Амангелді ауданы Байғабыл ауылы – 22.8. 2004, Алматы қаласы) – мемлекет қайраткері, дипломат, экономика ғылым докторы (1978). ҚазМУ-ды (1958, қазіргі ҚазҰУ) бітірген. 1959–67 жылы ҚазМУ-да, Мәскеу қаржы институтында, Қазақ КСР-і Мемлекет жоспарлау комитетінің ғылым-зерттеу институтында, Қазақ КСР-і Қаржы министрлігі жүйесінде (1973–75) қызметтер атқарған. Қазақстан Министр Кеңесінде бөлім меңгерушісі, іс басқарушысының орынбасары, 1988–89 жылы Министр Кеңесі төрағасының орынбасары, Қазақстан КП ОК-нде бөлім меңгерушісі, кейін хатшысы (1989–91) болды. 1991 жылдың сәуір–қазанында Қазақ КСР-і Жоғары Кеңесінің төрағасы, 1991–96 жылы ҚР-ның вице-президенті, 1994–96 жылы ҚР Президенті жанындағы адам құқықтары жөніндегі комиссияның төрағасы қызметін атқарды. 1996 жылы ақпаннан ҚР-ның ГФР-дегі Төтенше және өкілетті елшісі болған.