Кодекс Куманикус: Нұсқалар арасындағы айырмашылық

'''Кодекс Куманикус''' ([[Латын тілі|лат.]] ''Codex Cumanіcus''), ''«Қыпшақ тілінің сөздігі»'' – қыпшақ тілінде жазылған діни мәтіндер мен сөздіктерден тұратын кітап (латын әліпбиінде қалыптасқан қысқаша атауы – СС), 82 парақтан (164 бет) құралған қолжазба.

[[Сурет:Codex Cumanicus 58.jpg|thumb| alt=A.| ''Тоты құс суреті бар Кодекс Куманикус''.]] Бірінші бетінде «1303» деген жазу бар. Еңбектің авторы мен жазылған жері белгісіз. Түркітану ғылымындағы жаңа деректер бойынша, бұл еңбек түпнұсқасы 1294 жылы жазылған да, оның бірінші көшірмесі 1303 жылы жасалған, ол 1330 жылы толығымен көшіріліп біткен (Л.Лигети). «Кодекс Куманикус» [[Дешті қыпшақ]]та немесе [[Қырым|Қырымда]] (Солхат қаласында)жинастырылып, бір ізге түсірілген. Осы өңірді қоныстанған қыпшақтарды [[Батыс Еуропа]] жұртшылығы кумандар деп атаған. 1303 жылы«Кодекс Куманикус» түпнұсқадан [[Алтын Орда]] мемлекетінің астанасы Сарай қаласының жанындағы Джан әулиенің ғибадатханасында көшірілген. «Кодекс Куманикус» готикалық көне қарпімен жазылған. Екі бөлімнен тұрады.