'''СубэкваторлықСубэквоторлық Белдеу''' – Солтүстік және Оңтүстік жарты шарлардағы [[Тропиктік Климат|тропиктік]] және [[Экватор|экваторлық]] белдеулер аралығындағы аймақ. Қыста тропиктік [[пассаттар]] әсерінен ауасы құрғақ, қуаң; жазы ылғалды экваторлық [[Муссон|муссондық]] климатпен сипатталады. Күн сәулесі жер бетіне тік түсуіне байланысты жыл бойы бір қалыпты жоғары температура сақталады. Жылдық [[Радиация|радиациялық]] баланс 70 – 80 ккал/см2, айлық орташа температура 20 – 30С. Суының температурасы үнемі жоғары (25С). Жылдық жауын-шашын мөлшері 250 – 2000 мм (негізгі бөлігі ылғалды кезеңде түседі). Экватордан тропиктік белдеуге қарай ұзаған сайын 2 – 3 айдан 8 – 10 айға дейін құрғақшылық кезеңдер болады. Осы бағыт бойынша табиғи өсімдік жамылғысы да тұрақты ылғалды [[орман]], маусымдық ылғалды орман, [[саванналар]] және [[сирек ормандар]] болып ауысады. Топырағы қызыл, қоңыр күлгін. [[Жыртқыштар]], [[тақтұяқтылар]], [[бауырымен жорғалаушылар]], т.б. мекендейді. [[Күріш]], [[мақта]], [[тропиктік дақылдар]] өсіріледі.<ref>Қазақ энциклопедиясы</ref>
