Ежелгі перғауындар жері

Қазіргі Египеттің астанасы Каирге жақын елді мекен Гизада біздің күнімізге дейін бұзылмай аман жеткен ежелгі пирамидалар сақталған. Бұл ежелгі жеті кереметтің біз өз көзімізбен көре алатын жалғыз өкілі. Алайда пирамидалар перғауындар дәуірінен қалған бірегей ескірткіштер емес. Дүниеден өткен египет билеушілерінің алып қабірстанын жұмбақ тас мақұлық күзетеді. Бұл алып ескерткіштің денесі арыстандыкі, басы адамдыкі болып келсе, басына Ежелгі Египетте тек перғауындар ғана киетін клафт киген. Бұл б.з.д XXVIII ғ. салынған Үлкен сфинкс. Көп құдайға табынған египеттіктер тау жыныстарын қашай отырып, жартастарға ғибадатханалар кешенін тұрғызды. Б.з.д. II мыңжылдықтағы Египеттің басты қасиет орны Фива (қазір бұл жер сол жерде орналасқан араб елді мекнінің атына сәйкес Қаранқ немесе Луксор аталады) қаласынан орын тепті.

Сурет:Luksor.jpg

Luksor

Ғибадатханаларға сфинкстер аллеясы жайғасқан кең жол апаратын. Бұл жолдың екі жағынан қой басты арыстан кейпіндегі фантастикалық мақұлықтардың тас мүсіндері бой көтерген-ді. Бұл сфинкстер, ғибадатханалардың қираған орны, сондай-ақ, Фивадағы перғауындардың жартастағы қабірстаны біздің заманымызға дейін сақталған.