'''Жымпиты'''– [[Батыс Қазақстан облысы]]ндағы [[Сырым ауданы]]ның әкімш. орталығы, [[ауыл]]. Облыс орт. – Орал қ-нан оңт.-шығысқа қарай 140 км жерде, Өлеңті өз-нің жағалауындағы [[қара жусан]], [[көкпек]], бұйырғын өскен сортаңды сұр [[топырақ|топырақты]] [[шөлейт белдем|шөлейт белдемде]] орналасқан. Тұрғыны 5,7 мың [[адам]] (1999). Қргесі 19 ғ-дың соңында Жымпиты [[уез|уезінің]] құрылуына байланысты қаланды. Ауылда 1895 – 97 ж. алғашқы [[аурухана]] және [[мектеп]] салынды. Сол өңірдегі ірі сауда-саттық орт. болды. [[Татар]] мен [[орыс]] [[саудагер|саудагерлері]] Ж-да [[мешіт]] пен [[шіркеу]] салдырды. 1927 жылға дейін әуелі уезд орт., 1928 жылдан аудан орт-на айналды. Бұрынғы кәсіпорындар мен мекемелер 1997 жылдан 22 [[шаруа қожалық|шаруа қожалықтары]] мен бір серіктестікке біріктірілген. Ауылда 2 орта, бір орталау [[мектеп]], 1 [[аурухана]], 2 фельдш.-акушерлік пункт, қонақ үйі, кинотеатр, [[мәдениет үйі]], [[клуб]], [[кітапхана]] т.б. мекемелер бар. Ж. арқылы [[Ақтөбе]] – Орал автомоб. жолы өтеді.<ref>Батыс Қазақстан облысы. Энциклопедия. — Алматы: «Арыс» баспасы, 2002
