Ғимарат: Нұсқалар арасындағы айырмашылық

'''Ғимарат''' – [[Сәулет өнері|сәулет өнерінің]] белгілі бір үлгі-тәсілімен салынған [[құрылыс]], [[үй]]. Оған түрлі үлгідегі (жеке, көптекшелі, т.б.) тұрғын үйлер, [[Қонақ Үй|қонақ үйлер]], әр түрлі мақсатқа арнап салынған сарайлар (мәдениет сарайы, спорт сарайы, оқушылар сарайы, т.б.) мен мәдени-қоғамдық құрылыстар (театр, [[клуб]], т.б.), мекеме үйлері, [[балабақша]], [[мектеп]] үйлері мен басқа оқу орындары үйлері, кесенелер мен [[ғибадатхана]]лар, [[дүкен]]дер мен сауда үйлері, әр түрлі тұрмыстық қызмет көрсету орындарының үйлері, т.б. [[Архитектура|архитектуралық]] құрылыстар жатады. Ғимарат (парсыша – үй деген ұғымды білдіреді) салыну мақсатына және әр елдің ұлттық, [[тұрмыс-салт]], кәсіби-мәдени, діни-қоғамдық, шаруашылық жүргізу ерекшеліктеріне сәйкес, сондай-ақ салынатын орнының табиғи жағдайына, [[Сәулетші|сәулетшінің]] талғамы мен жобасына да байланысты қилы-қилы үлгі мен түрлі кейіпте бола береді. Қазақстандағы көрнекті көне және жаңа ғимараттардың үлгілері ретінде [[Түркістан]] қаласындағы [[Қожа Ахмет ИасауиЯасауи]] кесенесі, [[Алматы]] қаласындағы [[Республика сарайы]], [[Астана]] қаласындағы [[Қазақстан Республикасы|Қазақстан Республикасының]] Мемлекеттік мұражайының үйі сияқты оқшау архитектуралық үлгіде салынған құрылыстарды атауға болады.<ref name=”source1”> [[Қазақ тілі терминдер сөздігі]] I том </ref> <ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>