Қына: Нұсқалар арасындағы айырмашылық
Content deleted Content added
Arystanbek (талқылау | үлесі) ш 37.99.76.2 (т) өңдемелерінен Legobot соңғы нұсқасына қайтарды |
Өңдеу түйіні жоқ |
||
1-жол:
'''Қына''' ({{lang-ar|حنا}}) – төменгі сатыдағы споралы өсімдіктерге жататын талломды [[организм|организмдер]] тобы.
[[File:Henna for hair.jpg|thumb| alt=A.| ''[[Шаш бояуға арналған қына]]''.]]
[[Саңырауқұлақ|Саңырауқұлақтар]] мен [[балдыр|балдырлардың]] cелбесе тіршілік ету нәтижесінде пайда болған. Қынаның 400-дей туысы, 26 мың түрі бар. Олардың қазба қалдықтары жоғарғы бор кезеңінен белгілі. [[Қазақстан|Қазақстанда]] Қынаның 491 түрі анықталған, 1 түрі (Бұғы кладинасы) Қазақстанның “[[Қызыл кітап|Қызыл кітабына]]” енгізілген. Қына денесі бір [[клетка|клеткалы]] балдырлар тіршілік ететін [[саңырауқұлақ]] гифтерінен (жіпшелерінен) құралған. Саңырауқұлақ [[фотосинтез|фотосинтезге]] қабілетсіз болғандықтан дайын көмірсуларды балдырлардан алады да, есесіне балдырларды сумен, минералды заттармен қамтамасыз етіп, әрі сыртқы ортаның қолайсыз жағдайларынан қорғап тұрады. Сондықтан Қыналар басқа организмдер тіршілік ете алмайтын орта жағдайларына жақсы бейімделген. Қынаны құрайтын саңырауқұлақтар, негізінен, қалталы саңырауқұлақтар класына, ал Қынаның екінші бөлігін құрайтын балдырлар көк-жасыл [[балдырлар]] және жасыл балдырлар бөлімдеріне жатады. Бұлардың бір ерекшелігі — жеке (саңырауқұлақсыз) де тіршілік етуге қабілетті. Қынаның сыртқы пішіні әр түрлі: кішкене жұқа қабықша сияқты, жиегі бір шама тілімделген, сырты тегіс, немесе бұдырлы қалақша тәрізді; кішірек бұталарда, таста өседі, немесе ағаштарда өсіп төмен салбырап тұрады. Түсі қоңыр, қара, сұр, сары, қызғылт, ақшыл, т.б. болып келеді де қайнатпа (қабыршақты), [[жапырақ|жапырақша]] және [[бұта]] тәрізді Қыналар болып үш топқа бөлінеді.<ref> Биология: Жалпы білім беретін мектептің, 9-сыныбына арналған оқулық, 2-басылымы, өңделген/ М. Гильманов, А. Соловьева, Л. Әбшенова. - Алматы: Атамұра, 2009. ISBN 9965-34-927-4 </ref>
[[File:Lawsonia inermis Ypey36.jpg|thumb| left| alt=A.| ''[[Қына]]''.]]Қына талломдарының бөліктерімен (үзіктерімен) немесе арнайы органдарымен (соредияларымен, изидияларымен) көбейеді. [[Соредия]] — балдырлардың клеткалары мен саңырауқұлақ жіпшелерінің топтасқан жиынтығы. Қабыршақ дененің жарықшағынан соредия тозаң сияқты төгіліп, ауамен таралады. Қолайлы жағдайда саңырауқұлақ жіпшелері өсіп, балдыр клеткаларымен біріге Қына денесін құрайды. Изидия Қынаның денесінде бүртік тәрізді пайда болып, сосын бөлініп, өз алдына жаңа Қына [[организм|организмін]] түзеді. Қына суды бүкіл денесімен сіңіреді. Қоректік заттарды — минералдық элементтерді тастан, тіпті ауадағы шаңнан да ала алады. Бойынан [http://www.bonduelle.kz/kadimgi-kymyzdyk қымыздық] қышқылын бөліп шығарып, тау жыныстарының еріп, мүжілуіне ықпал етеді. Өте аз қоректенетіндіктен Қынаның өсуі де өте баяу, мысалы, бұталы Қына жылына 3 — 5 мм-дей ғана өседі. Қынаның қай түрі де ауаның ластануына, ондағы шаңға, түтінге, [[күкірт|күкіртті]] [[газ|газдарға]] төзімді. Қына [[тундра|тундрада]] ерекше маңызға ие. Жазда бұғы азығының 75%-ын құраса, қыста бұғылар тек Қынамен ғана қоректенеді.
Бірқатар түрлерінен дәрілік [[глюкоза]], спирт, [[лакмус]], [[бояу]], С витамині алынады. Кейбір түрлері орман шаруашылығына зиян келтіреді. [[Ағаш]] қабығына жабыса қаптай өсіп, ағаштың [[газ алмасу]] процесіне кедергі келтіреді, онда зиянды жәндіктердің, паразитті саңырауқұлақтардың өсіп дамуына жағдай жасайды. Кей түрлерін жергілікті жердің ауасының тазалығын анықтайтын [[индикатор]] ретінде пайдалануға болады.
Қыналар көбінесе тірі табиғаттың жеке дүниесі ретінде қарастырылады. Олар - ерекше және ғажап ағзалар. Бұлар сырттай қарағанда бір ғана өсімдік болып байқалғанымен, екі ағзаның селбесуінен құралған. Қынаның денесі саңырауқұлақтай және балдырдан түзілген. Саңырау - құлақтың жіпшумағы көк-жасыл балдырды ([[Цианобактериялар|цианобактерия]]) орап жатады. Қына түсінің жасыл болуы құрамындағы көк-жасыл балдырдың түсіне байланысты. Қынаны төсемікке [[Саңырауқұлақтар|саңырауқұлақ]] орнықтырады. Оның құрамындағы балдырларды ауалан ылғал мен шаңды сіңіру арқылы минералды заттар түзеді. Осыған орай саңырауқұлақ зерттеушілер (микологтар) қынаны саңырауқұлақтар дүниесінің бөлімі ретінде қарастыруда.
| |||