Олег Владимирович Блохин: Нұсқалар арасындағы айырмашылық

Олег Владимирович Блохин (украйнша Олег Володимирович Блохін; 5 қараша 1952 жылы Киев қаласында УКСР дүниеге келген. ) — кеңес футболшысы (шабуылдаушы). Кеңестік футбол тарихындағы көптеген рекордтардың иесі. Футболшы карьерасын аяқтаған соң, бапкерлікті қолға алып, бүгінгі таңда киевтық «Динамо» командасының бас бапкері.

Кеңес футболы тарихындағы ең үздік теңбілдоп шеберлерінің бірі. 1975 жылғы «Алтын Доп» иегері. 1972 жылы халықаралық дейгейдегі спорт шебері атағын алды. 1975 жылы КСРО Еңбек сіңірген спорт шебері атанды. 2005 жылы Украинаның еңбек сіңірген бапкері атағын иеленді. КСРО-ның жеті дүркін чемпионы, КСРО Кубогының бес дүркін иегері, УЕФА Кубоктары Кубогының екі мәрте иегері. КСРО футбол құрамасының қатысқан ойындар саны мен, соғылған голдар есебінен рекордшы. «Алтын Допты» иеленген Кеңес Одағының үш футболшысының қатарында. «Григорий Федотов клубы үшін 200 гол соққан» тұңғыш футболшы. 2010 жылдың күзіндегі мәлімет бойынша « Григорий Федотов Клубы үшін 300 гол» межесін бағындырған жалғыз футболшы. 19 жыл бір команда үшін өнер көрсеткен футболшы. 1990 жылы футбол карьерасын аяқтады.