Эмиссия: Нұсқалар арасындағы айырмашылық

'''Эмиссия''' (лат. emіssіo – шығарылым) – барлық нысандағы бағалы қағаздарды‚ ақша белгілерін‚ банк және қазынашылық билеттерін айналысқа шығару. Қолма-қол ақша және банк Э-сын эмиссиялық банк (ұлттық‚ орт. банк) жүзеге асырады; депозиттік чек Э-сын коммерц. банктер атқарады; бағалы қағаздар Э-сын мемлекет‚ акцион. қоғамдар орындайды. [[Ақша]] Э-сы тек ақша белгілерін басып шығару ғана емес‚ сонымен бірге айналыстағы нақты және қолда жоқ ақшаның санын көбейту деген сөз. Мемлекет аумағында қолма-қол ақша белгілерін айналысқа шығару және оны айналыстан алу жөніндегі айрықша құқық Ұлттық банкке тиесілі. Оған қолма-қол ақшаға жеткілікті қажеттілікті қамтамасыз ету‚ коммерц. банктерде қолма-қол ақшамен жұмыс істеу тәртібін белгілеу міндеті жүктелген. Коммерц. банктерде қолма-қол ақшаның меншікті түсімдері мен қалдықтары жеткіліксіз болған жағдайда‚ оның операц. кассалары Ұлттық банктің ақшасы есебінен толықтырылады‚ ол қажет болған жағдайда қосымша ақша шығарады. Егер қолма-қол ақшаға қажеттілік төмендесе‚ оның артығы айналыстан алынады. Ұлттық банкке сондай-ақ банктердің және басқа несие мекемелерінің депозиттік және несие операцияларын бақылау жолымен қолма-қол ақшасыз (несиелік) Э-ны реттеу де тапсырылған. Сондай-ақ Э. мынадай түрлерге де бөлінеді: қазынашылық Э. – қазынашылық немесе басқа да мемл. қаржы органдарының айналысқа қағаз ақша шығаруы; айырбасталымды Э. – мерзімі өтіп бара жатқан қарызды алмастыру үшін облигациялар шығару немесе айырбасталымды облигацияларды айырбастау үшін акциялар шығару; шектелімді Э. – белгілі бір шектермен немесе шарттармен шектелетін несие билеттерін немесе қағаз ақша шығару; фидуциарлық Э. – алтынмен қамтамасыз етілмеген ақша Э-сы.