Атональды музыка

Атональды музыка (гр. α- болымсыздық қосымша яғни, тональдықтан тыс) - музыкалық ладтық негізінен бас тарту, дәлірек айтқанда, атональдық принципке негізделген музыкалық ағым.

Атональды музыка 20-шы ғасырдың басында Батыс Еуропаның бірқатар елдері мен АҚШ-та тараған. Атональды музыка эстетикалық нормаға сай пайдалынса ғана көркемдік әсер туғыза алады. 1920 жылдары бұл әдіс Р.Штраус, К.Дебюсси, М.Равель, П.Хиндемит, И.Стравинский, А.Онеггер сияқты композиторлардың творчествосында әртүрлі дәрежеде қолданылады. Атональды музыка классикалық халықтық дәстүрлерден біржола қол үзіп, ХХ ғасырдың басында көптеген композиторлардың қолдауын алды. ХХІ ғасырдың шығармаларында да Атональды музыка ырғақтарын кездестіруге болады.