Резус-фактор: Нұсқалар арасындағы айырмашылық

'''Резус-фактор'''<ref>Қазақша энциклопедия 7 том.</ref> (''rhesus'') — адамдар мен макака-резус маймылының (аталуы осыған байланысты) эритроциттерінің құрамында болатын антиген. Резус-факторды 1940 ж. австриялық [[иммунолог]] [[К.Ландштейнер]] (1868 — 1943) мен америкалық ғалым [[А.Винер]] (1907 — 78) ашты. Адамдардың 85%-нда [[эритроцит]] құрамында оң Резус-фактор, ал 15%-нда теріс Резус-фактор. болады. Резус-фактор жүйесінде бірнеше әр түрлі антигендер, сондай-ақ ''Hr ''тобы болады. Осы топ пен [[резус]] (''Rh'') қосылып, ортақ жүйе ''Rh — Hr'' құрады. ''Rh''-тің құрамында ''Д, С, Е'', ал ''Hr''-те ''д, с, е'' [[агглютиноген]]і бар. ''Hr'' агглютиногені адамдардың 83%-нда эритроцит құрамында кездеседі. Резус-фактор тұқым қуалайды және өмір бойына өзгермейді. Қан құйғанда қан топтары сияқты Резус-фактор да қатаң есепке алынады, себебі, бұл кезде ''Rh — Hr'' агглютиногендер жүйесінде арнайы [[антидене]] түзіледі; [[организм]]ге антигенді қайталап құйғанда, “антиген — антидене” реакциясы пайда болуы мүмкін, ал бұл организмнің қалыпты қызметін бұзады. Мыс., қанының ''Rh''-ы оң реципиентке теріс ''Rh''-ы бар қан құйылса, [[гемотрансфуз]]. реакция (''адамның денесі қалтырайды, темп-расы көтеріледі, белі ауырады'') жүреді. Ал жүктілік жағдайында, ананың ''Rh''-ы теріс болып, құрсақтағы нәрестенің ''Rh''-ы оң болса, иммундық өзгеріс болуы мүмкін. Бұл құрсақтағы нәрестенің өліміне әкеліп, әйел түсік тастайды, мұны ''Rh''-конфликт деп атайды. Егер мұндай жағдайда әйел аман-есен босанса да, кейін жаңа туған сәби тұқым қуалайтын қан ауруына шалдығады. Жүкті әйелдерде ''Rh''-[[конфликт]] болмау үшін оларға [[антирезус-гамма-глобулин]] егіледі.

 

<references/>

==Толықтыру==

 

{{wikify}}

{{Суретсіз мақала}}

[[Санат:Биология]]

 

[[nl:Bloedgroep#Het resusbloedgroepsysteem]]