Торғай (Қостанай облысы): Нұсқалар арасындағы айырмашылық

'''Торғай''' — [[Қостанай облысы]]ның [[Жангелді ауданы|Жангелдин ауданындағы]] ауыл, аудан орталығы. Облыс орталығы,Қостанай қ-нан, оңтүстік-батысқа қарай 550 км жерде, [[Торғай өзені (Қостанай облысы)|Торғай өзенінің]] оң жағасында орналасқан. Тұрғыны 5,6 мың адам (2005). Қргесі патшалық Ресейдің қазақ жерін отарлау саясатына байланысты «Оренбург» атты бекініс есебінде қаланған. 1845 ж. «Торғай» деп аталып, қала мәртебесін алды. 1868 ж. жаңадан құрылған, өзімен аттас облыс пен уездің орт-на айналды. 1883 ж. көрнекті қазақ ағартушысы [[Ыбырай Алтынсарин|Ы. Алтынсариннің]] ұсынысы бойынша мұнда мұнда қыздарға арналған реалдық училище ашылды. Қалада әскери лазерет жұмыс істеді. 1876 ж. қаладағы тұрғындар саны 570 адам болса, 1902 ж. 1,2 мыңға жетті. 1920 – 29 ж. Қазақстанда Кеңестер өкіметі орнауына сәйкес Торғай губерния және уезд орт-на айналды. Одан кейінгі кез Торғай, Жангелдин ауданының орт. болды. Әлеум.-экон. саласында әкімш. мекемелер, ауданы байланыс және телекоммунация, коммуналдық, көліктік кәсіпорындар мен ұйымдар, тұрмыс қажетін өтейтін кәсіпорын, баспахана, 2 орта мектеп, музыка мектебі, [[Нұрқан Ахметов]] атынд. ауылдық кәсіптік-тех. мектеп, кітапхана, ауданы аурухана, емхана, дәріхана т.б. әлеум. мекемелер жұмыс істейді.

 

[[Қазақ Энциклопедиясы|"Қазақ Энциклопедиясы"]], 8 том