'''Анаксимандр''' (Милеттік) (б.з.д. 40 ж.ж.) - ежелгі грек материалист-философы, стихиялық диалектик, Фалестің шәкірті. [[ГрецияГрекия]]дағы "Табиғат туралы" атты түңғыш ғылыми шығарманың авторы, бұл шығарма бізге жеткен жоқ. Анаксимандр нәрсе атаулының бастапқы негізі — "архе" ("негіз", "принцип") ұғымын енгізді және апейронды осы бастапқы негіз деп есептеді. Апейронды ыстық пен суықтың қарама-қарсылығы туады; олардың күресі [[космос]]ты дүниеге әкеледі; ыстық от ретінде көрініс табады, суық аспан мен жерге айналады. Ол материяның сақталу және айналу заңын тұңғыш рет тұжырымдады. Анаксимандрдың космологиялық теориясы бойынша жазық цилиндр формасындағы жер ғаламның ортасында тұр. Жер төңірегінде аспанның үш сақинасы: күн, ай және жұлдыз сақиналары айналып жүреді. Анаксимандр [[тарих]]та тұңғыш рет [[эволюция]] идеясын ұсынды: адам — басқа да тіршілік иелері сияқты балықтан шыққан.<ref>Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7</ref>
