'''Кипр аралы''', [[Жерорта теңізі]]нің оңтүстік-шығысында орналасқан.[[Сурет:Cyprus lrg.jpg|thumb|200px| right|]] Азия құрлығына жатады. Ауданы 9251 км². Аңыз бойынша, [[Кипр]]де махаббат және сұлулық құдайы [[Афродита]] дүниеге келген. Ең биік жері – [[Олимп тауы]], оның биікт. 1952 м. [[Кирений]] және [[Мезаория]] тау жүйелері аралығын қыратты жазық алып жатыр. Жағалаулары ойпатты, тек солтүстік жағалауы тік жарлы, жартасты. Климаты жерортатеңіздік. Қаңтар айының орташа температурасы 12 оС, тамызда 28 оС. Жауын-шашынның жылдық мөлшері жағалауда 500 мм, таулы жерде 1000 мм. Жауын-шашын қыс айларында түседі. Тау етегінен 500 м биіктікке дейін мәңгі жасыл бұталар, одан жоғары орман өседі. Кен байлықтары: мыс, темір, хром кентасы, асбест, тұз, гипс. Аралда [[Кипр]] мемлекеті орналасқан.
