І Жуан

І Жуан І Жуан- португалия мен Алгарвенің оныншы патшасы. Ависс әулетінің негізін қалаған және «Лорд» атағын Сеутада алғаш боп иеленген. 1364 жылы Ависс орденінің мигистрі болып тағайындалады. 1383- 1385 жылдар аралығында І Жуан Португалия патшалығының регенті болған. Бұл дағдарыс кезі болатын. 1383 жыыдың қазан айында ағасы Фернандо қайтыс болды. Тақ мұрагеріне иелік ететін ұлы болмағандықтан, айналасындағылар Фернандоның жалғыз қызы – Беатришке билікті беруге күш жұмсады. Беатриш Кастилия патшасы І Хуанға тұрмысқа шыққан соң, Португалия бар болғаны Испанияның провинциясы болып қалды, яғни 1383 – 1385 жылдары саяси анархия кезеңі орын алып, Португалияны бірде – бір патша басқарған жоқ. 1385 жылдың 6 сәуірінде патшалықтың Коимбрада шақырылған кеңесі Жуанды Португалия патшасы деп жариялады. Бұған келіспеген кастиялықтар Жуанды тақтан құлату мақсатымен Португалияға басып кірді.