'''Бақажапырақ тұқымдасы''', тартар тұқымдасы (Plantagіnaceae) — [[Қос Жарнақтылар|қос жарнақтылар]]ға жататын бір немесе [[Көп жылдық өсімдіктер|көп жылдық шөптесін]] [[өсімдік|өсімдіктер]]тер, кейбіреулері шала бұталар. 3 туысқа жататын 260-қа жуық түрі белгілі. Бақажапырақ тұқымдасы негізінен [[ҚОҢЫРЖАЙ БЕЛДЕУ|қоңыржай белдеу]]лерде, ал кейбір түрлері [[тропикалық аймақ]]тарда кездеседі. Қазақстанда оның 1 ғана бақажапырақ туысы бар. Олар [[өзен]], [[көл]] жағаларында, шабындықтарда, шөлді, құмды, далалы жерлерде, жол бойында өседі. Гүлдері ұсақ, масақ тәрізді [[гүл]] шоғырына жиналады не шоқпарбас гүл құрап, жапырақ қолтықтарына орналасады. Қос кейде дара жынысты болады. [[Мамыр]] — [[қыркүйек]] айларында гүлдейді. Жемісі — екі ұялы қорапша. Олардың тұқымы мен жапырақ құрамында [[гликозид]], [[каротин]], С [[витамин|витамині]]і, 4%-тей илік заттар бар. Бақажапырақ тұқымдасы дәрілік өсімдік, шырынын асқазан ауруларын емдеуге пайдаланады, кейбір түрлерінің жапырағы қан тоқтатуға, жараны емдеуге қолданылады.<ref>Қазақ энциклопедиясы, 2 том;</ref>