'''Бижамал Рамазанова ''' (21.6.1927 ж.т., [[Алматы облысы]], [[Ақсу ауданы]], Қызылағаш ауылы) - қоғам қайраткері, ғалым, философия ғылымының кандидаты (1970), 1942 жылы Түрген педагогикалық училищесінің қысқа мерзімді курсын, [[1959 жыл|1959]] жылы ҚазПИ-ді бітірген. Еңбек жолын 1942 жылы бұрынғы Гвардия ауданының Шанханай орта мектебінде бастауыш класс мұғалімі ретінде бастаған. [[Қаратал ауданы]] және [[Талдықорған]] қалалық комсомол комитетінде (1945-1959), Талдықорған қалалық, облыстық атқару комитеттерінде, [[Алматы облысы]] партия комитетінде (1959-1963), Қазақ ҚСР Жоғарғы Кеңес Төралқасында (1963-1975), республикалық Министірлер Кеңесінде (1975-1982), лауазымды қызметтер атқарды. 1963--761963–76 жылдары аралығында Азия және Африка елдері ынтымақтастығы Қазақ комитеті төрағасы, Кеңестік ынтымақтастық комитеті төралқасының мүшесі болды. 1964-76 жылдары Кеңес әйелдері комитетінің мүшелігіне сайланды. Бірнеше рет [[Кеңес одағы|Кеңес Одағы]] қоғамдық ұйымдарының [[Азия]] және [[Африка]] елдеріне делегациясын бастап барып, халықаралық форумдарға қатысты. Зейнет демалысына шыққан соң Мәдениет қызметкерлерінің білім деңгейін көтеру институтында, Алматы жол құрылысы институтында дәріс оқыды. Қазір Алматы облысы Ардагерлер кеңесі төралқасының мүшесі және Алматы қалалық жастарды патриоттық тәрбиелеу секторын басқарады. 4 монографияның авторы.
==Марапаттары==
2 мәрте "''Қызыл Ту''" және 2 мәрте "''Құрмет белгісі''" ордендерімен, бірнеше медальмен марапатталған.
