Әли әулеті: Нұсқалар арасындағы айырмашылық

'''Әли әулеті''' — [[Әли Әбу Тәліп]]тің (Әзірет Әлінің) ұрпақтары. Әлидің бірнеше әйелінен көптеген балалары болған.Олардың ішіндегі ең әйгілілері [[wikipedia:Мұхаммед пайғамбардың|Мұхаммед пайғамбардың]] қызы [[Фатима (Аллаһ расулының қызы)|Фатимадан]] туған [[Хасан]] мен [[Құсайын]] және [[Мұхаммед ибн әл-Ханафия]]. Имамшыл шииттердің мойындаған 12 имамның 10-ы — Құсайын ұрпағынан тарайды. Шииттердің діни-саяси қағидасы бойынша пайғамбарлыққа барабар жоғары [[өкімет]] (имамат) бар. Оны “құдай белгілеген”. Осы ережеге сәйкес имам болу Әлиге және оның ұрпақтарына ғана мирас болып қала беруге тиісті. Бүкіл [[ислам]] тарихында дерлік Әли әулеті немесе оның жақтастары жоғары билік үшін қарулы және идеологиялық күрес жүргізіп, Әли әулетінің [[имам]] болуын жақтап отырды. Бұл [[ел]] арасында көптеген соғыс өртіне себеп болып, халифаттың әр бөлігінде Әли әулеті басқарған имамдықтарды тудырды. Өздерінің идеологиясын дәлелдеу үшін Әли әулеті терең діни [[теория]] жүйесін жасады. Олардың болмыс заңдылықтарын түсіндіруі кейбір тұста сопылық ілімдермен үндеседі.Әли әулетінің көптеген ұрпақтары қазіргі кезде барлық дерлік [[мұсылман]] елдерінде тұрады. Олар шииттік қағида белгілеген өздерінің діни құқығын білдіру үшін жасыл сәлде тағып жүреді және сеийдтер немесе шерифтер деп аталады.