Беларусь: Нұсқалар арасындағы айырмашылық

== Табиғаты және табиғат ресурстары==

Беларусь аумағы Ежелгі Орыс платформасы негізінде қалыптасқан жазықтар алып жатыр. Батпақты сипат алатын ойпаттардың ең ірісі оңтүстікте орналасқан - Беларусь [[полесье]]сі. Ел аумағы батыстан шығысқа кесіп өтетін салыстырмалы түрде биік [[қыраттар]] мен [[жалдар]] жүйесін жалпы атпен [[Беларусь жалы]] деп атайды. Ел аумағында ең биік бөлігі болып саналатын [[Минск қыраты]] (345м) солтүстіктен батысқа қарай орналасқан. Жер бедерінің тегіс болуы Беларусь аумағын ауыл шаруашылық мақсатта пайдалану мүмкіндігін арттырғанмен, [[батпақтар]]дың көп болуы қосымша [[мелиорация]]лық шаралар жүргізуге қажет етеді.

Беларусь жеріне [[қоңыржай]] континентті климаты тән. Ел аумағында климат көрсеткіштері үлкен айырма жасамайды. Қыс кезінде ауа райының кенеттен құбылуы жиі байқалады. Қаңтардың орташа температурасы -5-тан -8 градусқа дейін өзгеріс жасайды. Жазы қоңыр салқын, жаңбырлы, әдетте, шілденің орташа температурасы +15 градустан жоғары болады. Бұлтты, бұлыңғыр, күндер саны басым, жауын-шашынның жылдық мөлшері 500-700 мм шамасында. Ауыл шаруашылығын жүргізуде ылғал мөлшері жеткілікті болғанымен, кейбір дақылдарды өсіруге жылу жетпейді.

Беларусь арқылы [[Днепр]] мен оның салалары: [[Припять]], [[Березина]] және [[Неман]], [[Батыс Двина]], [[Батыс Буг]] өзендері ағады. Жазықтан ағатындықтан ағысы баяу болатын бұл өзендер сол сулы келеді. Елде жалпы саны 4 мыңнан асатын ірілі-ұсақты көлдер бар. Көлдер әсірее солтүстікте көп, елдің бұл бөлігін [[Поозерье]] деп атайды. Елдегі ең ірі көл [[Нарочь көлі]], оның ауданы 80 км.кв., тереңдігі - 25м. Ішкі сулар, негізінен, елді мекендерді сумен қамтамасыз етеді. Батпақтар Беларусь жерінің 20 пайызын алып жатыр.