Борщов қызғалдағы: Нұсқалар арасындағы айырмашылық

'''Борщов қызғалдағы'''(Тulіpa borszczowіі) — [[лалагүлділер тұқымдасы]]ның [[қызғалдақ]] туысына жататын көп жылдық жуашықты шөптесін өсімдік. [[Торғай]], [[Арал]] өңіріндегі құмды [[шөл]]дерде, [[Қызылқұм]]да өседі. Биіктігі 20 — 40 см. Жуашығы [[жұмыртқа]] тәрізді, ені 2 — 4 см. Сабағын түк басқан. Жапырағы — 4, олар кезектесіп орналасады, сыртқа қайырылып, бұйраланған. Қызғылт-сары, қызыл, сия көк түсті гүлі — біреу. 6 аталығы, 1 аналығы болады. Тұқымынан көбейеді. Сәуір — мамыр айларында гүлдеп, мамыр — маусымда жемістенеді. Жемісі — үш ұялы көп тұқымды қауашақ. Оның ені 1,5 — 2 см, ұзындығы 2,5 — 4,5 см.<ref name="source1">Қазақ Энциклопедиясы</ref>

Гүл қоршауының бөліктері сары , қызғылт, негізінің екі жағында қара - күлгін бөлімдері бар, сыртқы бөліктері ромб тәрізді, ішкі және теріс сына тектес - жұмыртқа сынды әсем сәндік өсімдік. [[Ақтөбе облысы]]ндағы [[Ырғыз ауданы]]ның оңтүстік - шығыс жағында өседі.

== Пайдаланған әдебиет==

<references/>

[[Санат:Қазақстанның Қызыл кітабына енген өсімдіктер]]

[[Санат:Өсімдіктер]]