Жержаңғақ: Нұсқалар арасындағы айырмашылық

'''Жержаңғақ ''' (Arachіs) — [[бұршақ тұқымдасы]]на жататын бір жылдық және көп жылдық шөптесін [[өсімдіктер|өсімдік]]тер туысы. Майлы [[дақыл]]. [[Оңтүстік Америка]]да 30-ға жуық түрі бар. [[Қазақстан]]да 18 ғ-дың соңында әкелінген A. hupogaea түрі өсіріледі. '''Жержаңғақ''' — [[ылғал]] және [[жылу сүйгіш]], бір жылдық [[жаздық дақыл]]. Өсіп-өну кезеңі 120 — 150 күн. Биіктігі 25 — 75 см, түзу сабақты немесе төсемелі [[сабақ]]ты, бүйірінен өскен [[өркен]]дері бар. Тамыр жүйесі мықты, тереңге (180 — 190 см) кетеді. Гүлі сары не сарғылт түсті, [[гүлшоғыр]]ы жапырақ қолтығында орналасқан. Жемісі 1 — 7 тұқымды [[бұршақ]]. Оның құрамында орта есеппен 42% май, 22% [[белок]] және 12% [[көмірсу]] бар. Әдетте, әр өсімдікте 600 — 700 жеміс болады. Гектарынан 9 ц-дей тұқым, 20 — 50 ц құрғақ шөп алынады. [[Жеміс]]інен алынған майы тамаққа, [[кондитер өнеркәсібі]]нде пайдаланылады. Сабағы мен жапырағы малға жемшөп. Жержаңғақ басқа бұршақ тұқымдастары сияқты жерді құнарландырады. Өсімдік ауруларымен және зиянкестерімен сирек зақымданады. Жержаңғақ [[Оңтүстік Қазақстан]] облысының суармалы аудандарында өсіріледі.<ref name="source1">"[[Қазақ Энциклопедиясы]]",3 том</ref>

 

<references/>

==Тағы қараңыз==