[[Сурет:Til·ler.JPG|thumb|200px]]'''Таудаған (Celtіs) '''– қарағаш тұқымдасына жататын [[ағаш]]. [[Қазақстан|Қазақстанда]]да [[Жетісу]] (Жоңғар), [[Қле]], [[Күнгей Алатау]]ында, Батыс Тянь-Шаньда тараған. Тастақты тау баурайында, жартас бетінде өсетін туыспен аттас бір түрі (С. caucasіca ) бар. Биіктігі 4 – 7 м. Діңі жылтыр, қабығы сұр түсті. Жапырағы қыртысты, жұмыртқа пішіндес, кезектесіп орналасқан, жиегі бүтін не ирек болады. Гүлі қос жынысты не дара жынысты, бір-бірден жапырақ қолтығында орналасқан, аталығы төртеу. [[Сәуір]] – [[мамыр]] айларында гүлдеп, қыркүйекте жеміс салады. [[Жемісі]] – шар тәрізді сүйекше, жеуге жарамды. Таудағанның діңі қатты әрі мықты, ағаш бұйымдарын жасауға пайдаланылады. Жас жапырағын мал жақсы жейді. Қабығы тері илеу үшін пайдаланылады.<ref>Қазақ энциклопедиясы</ref>
