|
[[File:Museo de La Plata - Peridotita con crisotilo.jpg|thumb|alt=A.|Перидотит, Аргентина]]
'''Перидотит''' (франц. рerіdot — оливин) — ультранегізділер тобына жататын интрузиялық тау жыныстарының жалпы атауы. Олар негізінен [[оливин]] мен [[пироксен|пироксендерден]]дерден (40%-дан аспайды) тұрады. Пироксеннің құрамына қарай Перидотит [[гарцбургит]] (оливин мен ромбылық пироксен), [[верлит]] (оливин мен моноклиндік пироксен), [[лерцолит]] (оливин мен қос пироксен) деген түрлерге бөлінеді. Құрамындағы пироксен мөлшері 10%-дан аспаса, ол [[дунит]] деп аталады. Перидотит қосымша және акцессор минералдары бойынша ''горнблендті, шпинельді, хромитті, гранатты, слюдалы'' деп те ажыратылады. Перидотиттің түсі қара, ашық жасыл; құрылымы орташа, ірі түйірлі, бітімі шомбал, кейде шлирлі, жолақты болады, үгілгенде серпентенитке айналады. Перидотит жарылым белдемдерінде басқа ультрабазиттермен бірігіп, тік құлама пласт немесе тізбектелген кішігірім денелер құрады. Перидотиттермен [[хром]], [[никель]], [[темір]], [[титан]], [[алмас]], [[тальк]], [[асбест]] кендері байланысқан. Қазақстанда Перидотиттер [[Мұғалжар]], [[Ұлытау]], [[Шар]], т.б. ультранегізді тау жыныстары белдеулерінде кездеседі.
==Пайдаланылған әдебиетДереккөздер</span>==
“Қазақ Энциклопедиясы”, VII-том
{{wikify}}
[[санатСанат: Қазақстан табиғаты]]
|
