Мордвалар: Нұсқалар арасындағы айырмашылық

'''Мордвалар''' – [[Ресей]]дің [[Мордовия|Мордовия Республикасында]] тұратын ұлт. Оған қоса [[Ресей Федерациясы]]ның [[Куйбышев облысы|Куйбышев]], [[Пенза облысы|Пенза]], [[Орынбор облысы|Орынбор]], [[Ульяновск облысы|Ульяновск]] облыстарында [[Башқұртстан]]да, [[Татарстан]]да, [[Сібір]]де, Орталық Азия мен Кавказда тұрады. Халық саны шамамен 1,191 млн. Эрзя және мокша аталатын екі этникалық топтан тұрады. Мордвалар еуропа үлкен нәсілдің көшпелі түріне жатады. Мокшаларда кейбір моңғолоидтық белгілер байқалады. Мордва тілі көптеген диалектілерге бөлінеді. Мордваларда орыс тілінің ықпалы басым. Жазуы кириллица негізінде. [[Христиан діні]]нің православие тармағын ұстанады. Мордвалар [[фин-угор]] тайпаларынан шығып, [[Еділ]] мен [[Ока]] өзендері аралығында тұрған.

Негізгі кәсібі – егіншілік (күздік арпа, бидай, тары). Мал шаруашылығы да жақсы дамыған (сиыр, қой, ешкі). Мордвалар омарташылық кәсібімен де айналысады. Тұрғын үйлері бөренелерден салынып, екі бөлмеден тұрады. Әйелдердің дәстүрлі киімдері: кестеленген, мол әшекей тағылған кеудеше. Бас киімдері қалың матадан жасалған тақия немесе орамал, жамылғы. Ең салтанатты, халық көп жиналатын мейрамдары күзде өткізіледі ([[Вель-ава]]).<ref>Қазақша«Қазақстан»: энциклопедияҰлттық 6энцклопедия / Бас редактор Ә. Нысанбаев — Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, XI том 27 бет.</ref>