Максвелл Джеймс Клерк: Нұсқалар арасындағы айырмашылық

[[Сурет:James Clerk Maxwell.png|thumb|[[Максвелл Джеймс Клерк]]]]

'''Максвелл Джеймс Клерк''' (13.6.1831, [[Эдинбург]] — 5.11.1879, [[Кембридж]]) — [[ағылшын]] [[физик|физигі]], классикалық [[электродинамика]]ны жасаушы, [[статистика]]лық [[физика]]ның негізін салушылардың бірі. [[Лондон]] [[корольдік қоғам]]ының мүшесі (1860). Эдинбург (1847 — 50) және Кембридж (1850 — 54) университеттерінде оқыған. [[Кавендиш лабораториясы]]н (1871 жылдан оның директоры) ұйымдастырған. Максвеллдің негізгі ғылыми еңбектері [[электромагнетизм]], газдардың кинетикалық теориясы, оптика, серпімділік теориясы, т.б. көптеген мәселелерге арналды. Оның алғашқы зерттеулерінің бірі зат түсін көрудің [[физиология]]сы мен физикасы және [[колориметрия]] жөніндегі еңбектері болды (1852 — 72). [[Максвелл дискісі]] деп аталған түсті сандық түрде өрнектеуге арналған алғашқы [[аспап|приборды]] жасады. [[Сатурн сақиналары]] бір-бірімен байланыспаған қатты бөлшектерден тұрғанда ғана орнықты бола алатындығын дәлелдеді (1857 — 59); Максвелл Фарадей идеясын дамыта отырып, электро-магниттік өріс теориясын ([[Максвелл теңдеуі]]) тұжырымдады; ығысу тогы туралы түсінікті енгізді; [[электромагниттік толқын]]ның болатындығын алдын ала айтты; жарықтың электромагниттік табиғаты туралы тұжырым жасады. [[Статистикалық үлестірілу]]ді (кейін [[Максвелл үлестірілуі]] деп аталды) ғылыми тұрғыдан дәлелдеді. [[Газдардың тұтқырлығы]]н, [[диффузия]]сын және [[жылу өткізгіштік|жылу өткізгіштігін]] зерттеді. [[Оптика]]дан ([[Максвелл эффектісі]]), [[серпімділік теориясы]]нан ([[Максвелл теоремасы]], [[Максвелл — Кремона диаграммасы]]), [[термодинамика]]дан, физика тарихынан, т.б. еңбектер жазды.

== Мансабы ==

* Алғашында [[Эдинбург академиясы]]нда, [[Эдинбург университеті]]нде (1847-1850 жылдары), содан кейін Питерхауз Кембридж университетінде (1850-1854 жылдары) және Тринити-колледжінде оқыды.