Казеин: Нұсқалар арасындағы айырмашылық

'''Казеин''' (лат. caseus – ірімшік) – [[фосфопротеидтер]] тобына жататын күрделі белок. Казеин сүт ірімтіктенген кезде оның құрамындағы казеиноген ақуызының пептидтік байланысының үзіліп, бұзылуы нәтижесінде пайда болады. Казеиннің молекекулалық салмағы 75000-нан 100000-ға жетеді. Оның молекуласы 4 фракцияға бөлінеді. Құрғақ Казеин – ақ түсті, дәмсіз, иіссіз ұнтақ. Бейтарап немесе сілтілік ортаның тұзды ерітінділерінде жақсы ериді, суда ерімейді. Қышқылдық ортада тұнбаға түседі. Оның [[изоэлектрлік]] нүктесі 4,6 – 4,7 рН шамасында. [[Сүт]] құрамында ерігіш казеиноген ақуызы (кальцийлі тұз) түрінде болады, ол ұлтабар сөлінің құрамындағы химозин (реннин) ферментінің әсерімен ірімтіктеніп, тұнбаға түседі. Казеин – құнарлы [[белок]], оның құрамында шамамен 3,5% [[метионин]], 6,9% [[лизин]], 1,8% [[трифтофан]], 12,1% [[лейцин]], 7,0% [[валин]] болады. Казеин – сүт пен сүт өнімдерінің негізгі ақуызы (сүт құрамындағы ақуыздың 85%-ін құрайды). [[Сиыр]] сүтінің құрамында Казеиннің мөлшері 2,8 – 3,5%, ал ана сүтінде 0,3 – 0,9% болады. Оның белоксыз құрамасы серин аминқышқылымен байланысқан фосфор қышқылынан тұрады. Казеиннің құрамында [[фосфор]] мөлшері 1% шамасында болады. Өндірісте Казеинді [[бояу]], [[желім]], [[жасанды талшықтар]], [[пластиктер]] алу мақсатында пайдаланады.<ref>О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова

Аурудың алдын алу және сақтандыру бойынша орысша-қазақша терминологиялық сөздік.

==Дереккөздер==

<references/>