'''Сүттіген тұқымдасы''' (''Euphorbіaceae'') – [[Қос Жарнақтылар|қос жарнақты]], сүт шырынды [[ағаш]], [[бұта]] және шөптесін [[өсімдіктер]]. Жер шарында кең тараған. Негізінен жылы аймақтарда, [[Тропиктік Белдеу|тропиктік]], [[Субтропиктік Белдеу|субтропиктік]] және [[ҚОҢЫРЖАЙ БЕЛДЕУ|қоңыржай]] белдемдерде кездесетін 300-дей туысы, 7,5 мыңнан астам түрі белгілі. [[Қазақстан|Қазақстанда]]да 4 туысы, 58 түрі бар. Сабағы тік өседі, жапырақтары тегіс жиекті немесе [[ҚАЛҚАНШАЛЫЛАР|қалқанша]] тәрізді, кезектесіп не қарама-қарсы орналасады. Гүлдері көбінесе бір үйлі, дара жынысты, масақша не шоқпарбас [[Гүлшоғыр|гүлшоғырынагүлшоғыр]]ына топталған. Аналықтары жеміс-жиекті (түйін жиегін бойлай тұтаса өсетін бірнеше жеміс жапырақшаларынан түзіледі). [[Жәндіктер|Жәндіктермен]]мен, кейде [[Құстар|құстарменқұстар]]мен не [[Жел|желменжел]]мен тозаңданады. Жемісі әдетте қауашақ, піскенде қақырап ашылып, тұқымы шашылады. Тұқымында өте көп эндосперм ([[Ұрық|ұрықтыңұрық]]тың қоректенуіне қажетті [[ұлпа]]) болады. Сүттіген тұқымдасының көптеген түрі өте пайдалы. Мысалы, гевеядан [[каучук]], кротоннан шайыр алынады; [[кенедән]] мен тунг – майлы өсімдіктер; маниок тағам ретінде қолданылады. Кейбір түрі [[Медицина|медицинадамедицина]]да және [[парфюмерия|парфюмерияда]]да пайдаланылады. Сүттіген тұқымдасын әсемдік үшін ([[Оранжерея|оранжереялардаоранжерея]]ларда, [[Үй|үйдеүй]]де, [[БАҚ|бақта]]) де өсіреді.
== Дереккөздер ==
== Пайдаланған әдебиет ==
[[Қазақ Энциклопедиясы|"Қазақ Энциклопедиясы"]], 8 том
