'''Бассүйексіздер''' (Acranіa) – төменгі сатыдағы желілілер ([[хордалылар]]) типінің бір тармағына жататын ұсақ [[жануарлар]]. Бассүйексіздер [[Жерорта теңізі|Жерорта теңізінде]]нде, [[Атлант мұхиты|Атлант мұхитының]]ның [[Еуропа]] және [[Африка]] жағалауында, сондай-ақ [[Атлант]], [[Тынық]], [[Үнді]] мұхиттарының экваторлық терең жерлерінде тіршілік етеді. Дене тұрқы 1,5 – 8 см-дей. Арқа қанаты тұтас әрі жұқа болып тікелей құйрық қанатымен байланысқан. Оларда желілі жануарларға тән белгілер (арқа желісі, [[жүйке түтігі]], [[желбезек]] саңылаулары, т.б.) өмір бойы сақталады. Терісінің сырты басқа желілілерде болмайтын жұқа [[кутикула]] қабатымен, [[желбезек]] саңылауларының сырты терілі қатпармен қапталған. Ішкі [[қаңқа|қаңқаның]]ның қызметін денесінде ұзына бойы орналасқан серпімді желі атқарады. Кейбір мүшелер жүйесі (бұлшық еттері, жыныс бездері, зәр шығару) бір-біріне ұқсас жеке бөліктерден, [[Сезім мүшелері|сезім мүшесі]] қарапайым жарық сезгіш клеткалар тобынан ([[гессе]] көзшелерінен) тұрады. [[Қан Айналымы|Қан айналымы]] тұйық, бірақ жүрегі болмайды. Оның қызметін құрсақтағы қолқа қан тамыры атқарады. Дара жынысты, сырттай ұрықтанады. [[Дернәсіл|Дернәсілдері]]дері денесіндегі кірпікшелері арқылы 3 айдай еркін жүзіп тіршілік етеді. 2 – 3 жылда жыныстық жағынан жетіледі. Ересектері теңіздердің жағалауға жақын таяз әрі құмды жерлерінде 10 – 30 м тереңдікте құйрық бөлігі құмға батып, бір орында тіршілік етеді. Оларды жергілікті тұрғындар тағам ретінде пайдаланады.
