Бақытжан Бейсәліұлы Қаратаев: Нұсқалар арасындағы айырмашылық

'''Бақытжан Бейсәліұлы Қаратаев''' (1860, [[Қаратөбе ауданы]], [[Ақбақай]] ауылы — 26.8.1934, [[Ақтөбе]] қаласы) - [[қоғам қайраткері]], [[заңгер]], [[ағартушы-демократ]]. [[Орынбор]] гимназиясын бітіргеннен кейін [[Санкт-Петербург]] университетінің заң факультетіне түседі. 1890 ж. оны 2-дәрежелі алтын медальмен үздік бітіреді. Петербургта, [[Кутаиси]]да, Орынборда [[тергеуші]] болып істейді. 1897 жылдан [[Орал]]да, [[Қаратөбе]]де, [[Жымпиты]]да [[адвокат]] болды. 1907 ж. 2-Мемлекеттік Думаға [[кадет]]тер тобынан Орал облысынан депутат болып қатысып, жер-су мәселесі бойынша қазақ халқының мүддесін қорғап сөз сөйлеген. Ол өзін [[большевиктер партиясы]]ның қатарындамын деп есептеді. 1907-16 жылдары ағартушылық жұмыстармен айналысып, [["Қазақстан"газеті|«Қазақстан» газетін]], [["Айқап" журналы|«Айқап» журналын]] шығаруға көмектеседі. 1918 ж. облыстық атқару комитетінің мүшелігіне сайланды. 1918 ж. наурызда ''«әскери үкімет»'' бүлік ұйымдастырып, облыстық кеңес мүшелерін, (ішінде Қ. та бар) тұтқынға алды. 1919 жылы 24 қаңтарда [[Чапаев дивизия]]сы босатып, кейін ол Орал облысы ревкомның қүрамында ұлттар коллегиясын басқарды. 1919 ж. 24 шілдеде [[Қазәсревком|Қ. Қазәсревкомның]] мүшелігіне тағайыңдалды. 1920 ж. 4-12 қазанда Орынборда өткен Кеңестердің Бүкілқазақстандық 1-съезіне делегат болды. Мұнда қабылдаған Қазақ АКСР-і еңбекшілерінің құқығы туралы декларацияның жобасын дайындауға қатысқан. Қазақ АКСР-інің заң комиссары болды. Кеңестердің 2-Бүкілқазақстандық съезіне де делегат болып қатысты.<ref>Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8</ref><ref>Қазақстанның қазіргі заман тарихы: Жалпы білім беретін мектептің 9-сыныбына арналған окулық. 2-басылымы, өңделген. Жалпы редакциясын басқарған тарих ғылымының докторы, профессор Б. Ғ. Аяған. Алматы: Атамұра, 2009. ISBN 9965-34-933-9</ref>