Атбасар жазығы

Үлгі:Қорық аймақ‎ Атбасар жазығы  – Ақмола обл-ның солт.-батысындағы эрозиялық-тектоник. жазық. Атбасар ауд-нда орналасқан жазық солт-нде Көкшетау қыратымен, оңт-нде Теңіз жазығымен шектеседі. Ендік бағытта 320 км-ге, меридиандық бағытта 100 км-ге созылған. Жазықтың кейбір тұстары таяз келген көл қазаншұңқырларымен, төбелер және сай-жыралармен тілімденген. Климаты тым континенттік. Қаңтар айының орташа темп-расы –18°С, шілдеде 19 – 21°С. Жауын-шашынның жылдық орташа мөлш. 250 – 300 мм. Жазық арқылы Есіл өз. және оның салалары – Қайрақты, Жаман Қайрақты, Жыланды, Жабай, Аршалы, Боқсық, Қалқұтан, т.б. ұсақ өзендер ағады. Сонымен қатар бірнеше таяз келген тұзды көлдер (Қалмақкөл, Салқынкөл, Жаркөл, Баршын, Ұзынкөл, Балықтыкөл, т.б.) кездеседі. Жазықтың басым бөлігінде бетеге, боз, айрауық өседі.