Биотит

Үлгі:Қорық аймақ‎ Биотит  – силикаттар класының слюдалар тобына жататын минерал. Хим. формуласы: K(Mg,Fe)3AlSі3O10(OH,F)2. Француз ғалымы Бионың құрметіне аталған. Моноклиндік сингонияда кристалданады. Кристалдары парақ, жапырақ, қабыршақ, қырлы таяқша, пирамидаға ұқсас болады. Түсі қара, қоңыр, қызғылт қоңыр, қалың қабыршақтылары күңгірт, жұқасы мөлдір келеді. Қатт. 2,5 – 3, менш. салм. 2,7 – 3,3 г/см3. Б. өте жиі тараған минералдардың бірі. Көптеген магмалық, шөгінді, метаморфтық тау жыныстарын құраушы минералдардың бірі, пегматиттерде аум. 7 м2-ге дейін жететін ірі парақтар түрінде кездеседі. Электр техникасы бұйымдары өндірісінде қолданылады.