Сүйіндік Кенжетайұлы Айсақов

Сүйіндік Кенжетайұлы Айсақов (1949 ж.т.)-сәулетші, КСРО Суретшілер одағының мүшесі(1976ж.). Ақмола облысында дүниеге келген. КазПТИ-ді бітірген(1972 ж.). 1972-85 ж. Гипровуз және Гипрогор (Алматы қ.) және Целингорсельпроект (Целиноград қ.) жобалау институттарында сәулетші, аға сәулетші, топ жетекшісі, 1985-89 ж. Алматы облоткомында бас суретші. Қарағанды, Целиноград, Алматы және Астана қалаларында әр жылдары бой көтерген бірқатар объектілердің авторы. Авторлық ұжымдар құрамында ҚарМУ бас корпусы, Ленин және Совет аудандарының әкімшілік үйлері, «Горизонт»(Целиноград қ.) тұрғын үйі, «Номад» (Астана қ.) тұрғын үй кешенін салуға атсалысқан.

Пайдаланылған әдебиет

А 37 Астана:Энциклопедия.-Алматы: «Атамұра», 2008.-576 бет.