Гүлшоғыр: Нұсқалар арасындағы айырмашылық

Content deleted Content added
Automated import of articles
(Айырмашылық жоқ)

19:02, 2011 ж. сәуірдің 16 кезіндегі нұсқа

Үлгі:Қорық аймақГүлшоғыр  (іnflorescentіa) – өсімдік өркенінде белгілі бір ретпен орналасатын ұсақ гүлдер жиынтығы. Г. негізгі сағағының бұтақтануына қарай жай және күрделі болып бөлінеді. Жай Г-дың жанама сабақшалары бұтақтанбайды, оның ең ұшы гүлмен аяқталады. Бұған масақ гүл (жай масақ – жолжелкенде, сүйсінде), шашақ гүл (қарақатта, мойылда, мияда, інжугүлде), собық гүл (жүгеріде, аронниктерде), шоғырбас гүл (бедеде), себет гүл (күнбағыста, бақбақта, өгейшөпте), қалқанша гүл (алмада, алмұртта, доланада), шатырша гүл (жай шатыр – наурызгүлде, т.б.) жатады. Күрделі Г. – жай Г-дың бірнеше қайтара бұтақтануынан пайда болады. Бұған күрделі шашақ гүл немесе сыпыртқы гүл (жүзімде, гүлшетенде, тарыда, күріште), күрделі масақ гүл (бидайда, қара бидайда, сырға гүл (қайыңда, теректе, талда, көктеректе), күрделі шатырша гүл (сәбізде, аскөкте, балдырғанда, күрделі қалқанша (ұшқатта, шәңкіште, т.б.) жатады. Г-дың орт. негізгі сабағынан (гүлсидамынан) тарамдалған жанама сабақшаларына қарай: монохазий немесе бір сәулелі Г. (сарғалдақта, гладиолуста, т.б.), дихазий немесе қос сәулелі Г. (қалампырда, шерменгүлде, т.б.), плейохазий немесе көп сәулелі Г. (сүттігенде, гортензияда, т.б.) деп бөледі. Жеке гүлге қарағанда Г. күрделі, көлемді болғандықтан желмен айқас тозаңданады, ашық түстілері жәндіктерге алыстан байқалады. Г-дағы гүл саны бірнешеден ондаған мыңға дейін (пальма, агава), ал биікт. 2 – 3 мм-ден 14 м-ге дейін жетеді.