Шәкір Ғалиұлы Дивеев: Нұсқалар арасындағы айырмашылық

'''Шәкір Ғалиұлы Дивеев''' (1886, бұрынғы [[Сырдария облысы]], [[Перовск]] уезі – 1938) – [[қайраткер]], саяси қуғын-сүргін құрбаны. 1903 жылы [[Ақмешіт]]тегі 2 сыныпты училищені бітірген. 1907 – 17 жылдары [[Әндіжан]] қаласында кеңсе қызметкері, 1917 – 21 жылдары “[[Илатия]]” қоғамы Наманган бөлімінің төрағасы, Наманган қаласындағы ашаршылықпен күресу жөніндегі уездік комиссияның төрағасы, [[Әулиеата]] уездік азық-түлік бөлімінің комиссары, [[Түркістан АКСР-і]] азық-түлік халық комиссарының [[орынбасар]]ы, Түркістан ОАК ақпарат бюросының меңгерушісі болды. 1921 – 22 жылдары [[Қазақ АКСР-і]] егін шаруашылығы халық комиссарының орынбасары, халық комиссары, 1922 – 30 жылдары КСРО Ұлттар халық комиссариаты жанындағы [[Қазақстан]]ның өкілетті өкілі, [[Тверь]] губерниясының жер басқармасы бастығының орынбасары, [[Қырғыз]] облысы сауда конторының директоры, “[[Қазақетөнімдері]]” өлкелік басқармасының басқарушысы, Қазақ шикізат дайындау басқармасының төрағасы, мемлекеттік сауда басқармасының төрағасы, 1930 – 34 жылдары Қазақ АКСР-і сауда халық комиссары, Қазақ АКСР-і жабдықтау халық комиссарының 1-орынбасары қызметтерін атқарды. 1934 жылдың қыркүйегінен 1937 жылдың сәуіріне дейін Қазақ КСР-і ішкі сауда халық [[комиссар]]ы, 1937 жылдың сәуірінен маусымына дейін КСРО ХКК жанындағы Қазақ КСР-і ХКК-нің тұрақты өкілі болды. 1937 жылы маусымда тұтқындалып, 1938 жылы атылды. 1958 жылы шілдеде ақталды.

==Дереккөздер==

<references/>