'''Николай Петрович Ли''' (шын аты-жөні - Ли Дян Сон; 4.2.[[1915]], [[Ресей]], қазіргі [[Владивосток]] қаласы - 27.06.[[1977]], Чукоткадағы Провидение бухтасы, [[Алматы қаласы|Алматы қаласында]]нда жерленді) - актер, әнші, [[Қазақстанның халық артисі]] (1971). 1939 - 41 ж. Мәскеу консерваториясының қазақ опера студиясында оқыған. 1934 жылдан өмірінің соңына дейін Қазақстандағы Корей музыка драма театрының (қазіргі Республикалық [[Корей музыкалық комедия театры|корей музыка комедия театры]]) актері болды. Ли өзінің актерлік өнерінде комедиялық және сатиралық рольдерге деген табиғи бейімділігін байқатты. Оның ойнаған рольдері қатарында Қодар (Ғ.Мүсіреповтің "Қозы Көрпеш - Баян сұлуында"), Асан (М.Әуезовтің "Қарагөзінде"), Әбубәкір (Қ.Байсейітов пен Қ.Шаңғытбаевтың "Беу, қыздар-айында"), Дәулетбай (О.Бодықовтың "Қарақұм трагедиясында"), Жантай (Ш.Айтматовтың "Арманым, Әселімі" бойыншада), т.б. бар. Ол [[Корейлер|корей халқының]] әндерін орындаумен көптеген конңерттерге қатысты. Киноға түскен ("Атаманның ақырында" Ли ролі, 1970). Еңбек Қызыл Ту орденімен және медальдармен марапатталды.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>
