Аэрозоль

Үлгі:Қорық аймақ‎ Аэрозоль  (грек. a(r — ауа және нем. sol — ерітінді) — газды ортада (ауада) қалықтаған сұйық не қатты бөлшектерден тұратын дисперстік жүйелер. Терминді алғаш 1945 ж. ағылшын химигі Ф.Дж. Доннан енгізген. А-дің мөлшері оның массасы мен бөлшек саны бойынша анықталады. Олардың сұйық бөлшегінің радиусы 10-5 — 10-1 см, ал қатты бөлшектерінікі 10-8 — 10-3 см болады. А. дисперстену (ірі бөлшектердің ұсағырақ бөлшектерге айналуы, мыс., шахта шаң-тозаңы) және конденсаттану (ұсақ бөлшектердің ірірек бөлшектерге бірігуі, мыс., тұманнан бұлт пайда болуы) салдарынан түзіледі. Дисперстену жолмен көбінде полидисперстік және тұрпайы дисперстік А. түзіледі, ал жоғары дисперстік және біртекті (монодисперстік) А. конденсаттану арқылы алынады. Көбінесе А-дың түзілуі зиянды болады. Мыс., өндірістік процестерде қажетті заттар тозаңмен бірге кетеді (металлургия, цемент, химия өндірістері); атмосферадағы А-мен азық-түлік ластанады; кейбір А-дар ауамен қосылып қопарылғыш қоспалар түзеді (көмір, қант, ұн тозаңдары). А. медицинада (организмге дәрі-дәрмек енгізуде, жұқпалы микробтарды залалсыздандыруда), метеорологияда (тұманды сейілту, жасанды жаңбыр жауғызуда) а. ш-нда (инсектицидтер шашуда) тұрмыста т.б. қолданылады.