Александрия кiтапханасы: Нұсқалар арасындағы айырмашылық

Content deleted Content added
ш →‎Дереккөздер: clean up, replaced: Пайдаланған әдебиет → Дереккөздер using AWB
Өңдеу түйіні жоқ
2-жол:
'''Александрия кiтапханасы''' , Искандерия кітапханасы— б. з. б. 3 ғасырдың бас кезінде [[Александрия]]да ([[Мысыр]]) көрнекті ғалымдардың ([[Зенодот]], [[Каллимах]], [[Аристарх]]) қатысуымен [[Птоломей]] әулетінің алғашқы екі патшасы негізін қалаған, ертеден дүние жүзіне әйгілі Александрия [[музей]]інің жанындағы қолжазба кітаптар қоры. Александрия кiтапханасында 700 мыңға жуық том (орам) кітап болған. Онда көшірушілер тобы жұмыс істеді. Қолжазбалар кітапхана ғалымдарының сынынан өткізіліп, өңделіп отырылған. Александрия кiтапханасының қорын жинау, сақтау шеберлігі жоғары дәрежеде болғандығын Каллимахтың библиография каталогы дәлелдейді. Александрия кiтапханасында гректің әдеби, ғылыми шығармаларынан басқа шығыс әдебиетінің шығармалары да сақталған. [[Еуропа]] мен [[Ресейде]] жарық көрген кейбір тарихи оқулықтарда Александрия кiтапханасын [[Халифа Әмір]]дің өртегендігі туралы негізсіз тұжырымдар бар. 1933 жылы [[Шоқай|М.Шоқай]]: “[[Мәскеу]] [[большевик]]тері Искандерия кітапханасын Халифа Әмір тарапынан өртелгенін айта отырып, [[Иран]], [[Түркия]] және [[Ауғанстан]] халықтарын надан, жабайы етіп көрсетуді мақсат етіп отыр” деп жазды “[[Яш Түркістан]]” журналында (1933, №39).
Александрия кiтапханасының хазірет [[Әмір Темір|Әмір]] жарлығымен өртелгені — алғашқы дәуір тарихшыларына беймағлұм. Оған [[Франция]] Ғылым Академиясының 1923 жылы 30 наурызда [[Таң газеті|“Таң” газетінде]] жарияланған мәліметтері кейбір орыс деректері (“[[Брокгауз — Эфрон]]” сөздігі, 1891 жыл) де дәлел бола алады.
Шын мәнінде кітапхананың [[Рим]], [[ГрецияГрекия|Грек]], [[Үндістан|Үнді]] және [[Мысыр]] әдебиетін сақтаған ең үлкен бөлігі б.з.б. 48-47 жылдарда [[Юлий Цезарь]] мен мысырлықтар арасындағы сұрапыл соғыс кезінде өртеніп кеткен. Кітапхананың екінші бөлімі, яғни Птоломей заманында жинақталған шағын қоры [[Феодосия]] дәуіріне дейін сақталған. Оны [[Серапион]] махалласына шабуыл жасаған [[фанатик]] христиандар өртеп жіберген (341 жыл). Яғни аталмыш ғылым қазынасы Искандерия қаласын арабтар алудан 301 жыл бұрын жойылып кеткен.<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9</ref>
==Дереккөздер==
<references/>