Жітіқара ауданы: Нұсқалар арасындағы айырмашылық

'''ЖІТІҚАРА АУДАНЫ'''– Қостанай обл-ның батыс бөлігіндегі әкімш. бөлініс. Жер аум. 7,3 мың км2. Тұрғыны 51,1 мың адам, орташа тығызд. 1 км2-ге 7 адамнан келеді (2008). Аудан аумағындағы 33 елді мекен 1 қалалық, 1 кенттік және 14 ауылдық әкімш. округке біріктірілген. Аудан орт. – Жітіқара қ. Ауданның аумағы шығысқа қарай еңіс келеді. Орал сырты үстіртінің орт. бөлігін алып жатыр. Оның ең биік жері ауданның оңт.-батыс жағындағы Жітіқара тауы (349 м). Кен байлықтарынан алтын, асбест, каолин сазы, құрылысқа жарамды тас, құм, әктас, т.б. кездеседі. Климаты тым континенттік, қаңтардың орташа ауа темп-расы –17°С, шілдеде 20°С шамасында. Жауын-шашынның жылдық орташа мөлшері шығыстан батысқа қарай 250 мм-ден 350 мм-ге дейін өзгереді. Жер беті сулары ауданның оңт. және шығыс шекараларымен ағып өтетін Тобыл өз-нен, оның сол салалары – Бозбие, Ақтастысай, Шортанды, Желқуар өзендерінен және Тобылдың бойында орналасқан кішігірім көлдерден тұрады. Топырағы қара, қызғылт қоңыр карбонатты, көбінесе бетеге мен жусан, селеу, өзен бойларында шалғынды шөптер басым өседі. Жабайы жануарлардан қасқыр, түлкі, қоян, сарышұнақ, тышқан; құстардан кезқұйрық, бозторғай, бөдене, сары және ақ шымшық, қызғыш, қарға мен сауысқан мекендейді; өзен-көлдерде қаз, үйрек, қасқалдақ, шағала кездеседі, аздап балық ауланады. Ірі ауылдары: Тоқтаров, Чайковское, Тургеневка, Мықтыкөл, Милютинка, Жалтыркөл, т.б. Ж. а-ның а. ш-на пайдаланатын жері 731,1 мың га, оның ішінде жыртылған жері 313,8 мың га, шабындығы 1,4 мың га, жайылымы 389,6 мың га (2008). Қостанай – Жітіқара т. ж. және Қостанай – Жітіқара, Жітіқара – Забеловка, Жітіқара – Волгоградское – Жалтыркөл автомоб. жолдары бар.
[[СуретСанат:Сурак.jpg‎|right|thumb|]]Қазақстан [[Санат:Жаудандары]]