'''Түктібаев Үрмәш''' ([[1917]], [[Қазалы ауданы]] қазіргі Ү.[[Түктібаев]] а. – 20.7.[[1944]], [[Латвия]], [[Лудза]] ауданы [[Перели]] дер.) – [[жауынгер]] [[Кеңес Одағының Батыры]] (24.3.[[1945]]). [[Ұжымшарда]] егін бригадирі болып жұмыс істеген. [[1941]] ж. 17 тамызда [[Қызыл Армия]] қатарына Қазалы әскери комиссариатынан шақырылды. Солт.-Батыс майданда соғысқа қатысып, ерлігі үшін [[Қызыл Жұлдыз]] орденімен марапатталды. [[1944]] ж. 2-Прибалтика майданы 391-атқыштар дивизиясының 1280-полк құрамында латыш жерін жаудан азат етуге қатысқан. Кіші сержант Т. [[Перели]] дер. түбінде қолма-қол шайқаста жаудың бернеше солдатын өлтіріп, ерлікпен қаза тапқан. Латвияның ауданындағы Режики қ-ндағы бауырластар зиратына жерленген. Туған жеріндегі батыр есімімен аталатын ауылда ескерткіш орнатылған. [[Қазалы ауданы]]ндағы Бекарыстан би а-ндағы орта мектепке есімі берілген.
