Инновация: Нұсқалар арасындағы айырмашылық

'''Инновация''' - ''жаңалық жарату''. Адамзат баласы жаңалыққа құштар. Адамзат баласының дамуының ең негізгі тетігі инновация – жаңалық жарату. Инновация дегенімз адамдардың қазіргі ойлау үлгісі мен дәстүрлі таным ерекшелігіне ұқсамайтын жаңа ойлау жүйесін тауып шығуы, кезектегі білім мен материалдық мүмкіндіктерді пайдалана отырып көнені өңдеуі, бар нәрсені тіпті де жақсартуы, кем нәрсені толықтауы, жаңа нәрсені тапқырлауы, тың нәрсені байқауы, жаңа зат, жаңа әдіс, жаңа жол, жаңа орта жаңалығымен өмірді жаңартуы, сөйтіп адамға және адамзатқа бақыт жаратуы.

 

Инновация сөзін қазақтың <u>"тапқырлық"</u>, <u>"жаңалық"</u> сөздерімен тең мағынада қолдануға рұқсат етіледі. Ағылшынша ''Innovation'' көбіне-көп ғылым техниалық тапқырлық пен жаңалық ашуды көрсетеді. Әрине инновацияның қазіргі мағынасы ауқымды, ол көбінесе адамның рухани белсенділі арқылы әуелде болмаған жаңа жоспарлау, жобалау, техника, мәдениет, сауда, және қоғамдық өмір салтын қалыптастыру, ал, тар мағынада тек жаратылыстану ғылымдары мен өндірістік техникада жаңа тапқырлық ашуды көрсетеді.

 

Инновацияны алдын ала мөлшерлеу қиын. Бірақ күнібұрын жоспарлап, ұйымдастырып, бейімдеп, белгілі бір саладан жаңалық ашуға жұмылдыруға болады. Әрине, кім қандай жаңлық ашады, қалай ашылады, ол көбінесе белгісіз болады. Ғылым-техникалық жаңалық көбінесе ғалымдардың жаңа ойлар мен мүмкіндіктерді өзара тоғыстырып, күрделі талдау жасау және синтездеу жұмыстары арқылы ашылады. Ғылым дамыса техникалық жаңалықты әлеуеттендіреді, техника дамыса ғылыми жаңалыққа алғышарт әзірлейді. Ол ізденіс пен қолданудың байланысында, көп түрлі мүмкіндікті тоғыстыра қолданылуының жемісі. Көптеген жаңалықтар кездейсоқ пайда болған.