'''Көксу''' – [[Балқаш]] алабындағы өзен. [[Алматы облысы]]ның [[Ескелді биауданы|Ескелді]], [[Көксу ауданы|Көксу]] аудандары жерімен ағып өтеді. Ұзындығы 205 км, су жиналатын алабы 4670 км². Бастауын [[Жетісу Алатауы]]ндағы [[Басқан мұздығыныңмұздығы]]ның оңтүстігінен алып, Көксу темір жол станциясында тұсында [[Қаратал өзені]]не құяды. [[Қараарық]] пен [[Қазан]] бастауларының қосылған жерінен Көксу аталады. Жоғарғы бөлігінде тар шатқал арасымен өтеді. Арнасының жағасы тік, биіктігі 4 м-ге жетеді. Су жайылмасының ені 5 – 10 м-ден аспайды. Ағысы қатты, суы мол. Жылдық орташа су ағымы Көксу а. тұсында 37 м³/с. Өзен суы шабындықтарды суландыруға, [[егін]], [[бау-бақша]] суғаруға пайдаланылады.<ref>[[Қазақ Энциклопедиясы]]</ref>