Лаос: Нұсқалар арасындағы айырмашылық

'''Лаос''', Лаос Халықтық-[[Демократиялық Республика]]сы – Оңтүстік-Шығыс Азиядағы мемлекет. [[Үндiқытай түбегi]]нің орталық бөлiгiнде орналасқан. Жер аумағы – 236,8 мың км². Астанасы – [[Вьентьян қаласы]]. Әкiмшілік жағынан 16 [[кхуэн]]ге бөлiнедi. Халқы 5,5 млн. адам. Этникалық құрамында [[лао-лум]] (68%), [[лао-тенг]] (22%), т.б. халықтар бар. Мемлекеттік тiлi – [[лаос тiлi]]. Халқының басым көпшiлiгi [[будда дiнi]]н ұстанады (85%). Ақша бiрлiгi – кип. Конституциясы бойынша мемлекет басшысы – [[Президент]]. Заң шығарушы органы – бiр палаталы Ұлттық жиналыс.

Лаос жерiн адамдар жоғарғы [[палеолит]] дәуiрiнен бастап мекендеген.[[Неолит]] дәуiрiнде Лаос алқабында [[күрiш]] егу, таулы жерлерде аңшылық пен мал шаруашылығы өрiс алды. Біздің заманымыздың 1-мыңжылдығының алғашқы жартысында [[Фунань кхмерлер]] мемлекетi құрылды. 1353 ж. Лаостағы ұсақ иелiктер аса iрi [[Лансанг мемлекетi]]не бiрiктi. 14-ғасырда бiрыңғай мемлекет болып қалыптасты. Будда дiнi күшейдi, елде дiни мектептер салына бастады. 15 – 18-ғасырларда Лаос мәдениетi жан-жақты өркендедi. Лансанг мемлекетiнде сауда жолдары дамыды. 1827 ж. елдің астанасы Вьентьянға көшiрiлдi. 1893 ж. [[Франция]] Лаос аймағын өз отарына айналдырды. 2-дүниежүзілік соғыс жылдары ұлттық [[Лао Иссара]] (Лаосты азат ету) ұйымы құрылды. Жапония 2-дүниежүзілік соғыста жеңiлiске ұшыраған соң [[Франция|француз]] үстемдiгiне қарсы көтерiлiс ұйымдастырылды. 1945 ж. 12-қазанда көтерiлiсшiлер Лао елiнің (“Патет Лао”) тәуелсiздiгiн жариялады. Бiрақ 1946 ж. 21-наурызда Патет Лао құрамалары француз әскерлерiнен жеңiлiп қалды. Елде партизандық күрес басталды. 1950 ж. Лаостың Азаттық майданы, 1951 ж. наурызда Лаос, [[Камбоджа]] және [[Вьетнам]] мемлекеттерiнің бiрiккен Азаттық майданы құрылды. Француз отаршылары 1953 ж. 22-қазанда Лаостың тәуелсiздiгiн шартты түрде мойындауға мәжбүр болды. 1975 ж. 2-желтоқсанда Лаос Халықтық Демократиялық Республикасы жарияланды. 1955 ж. Лаос БҰҰ-на қабылданды.