Көкшетау прибор жасау зауыты

Үлгі:Қорық аймақ‎ Көкшетау прибор жасау зауыты  – байырғы машина жасау кәсіпорны (1974 – 2001). Көкшетау қ-нда орналасқан. Бұл зауыт Көкшетау мех. з-ты (1917)  негізінде құрылған. А. ш-на арналған қосалқы бөлшектер, су арматурасын және пеш құймасын шығарды. Соғыс жылдары (1941 – 45) Мәскеу түбінен көшірілген Подольск тігін машиналары з-тымен біріктіріліп, майданға қажетті қорғаныс өнімдерін, тігін машиналарын шығарды. Соғыстан кейінгі жылдары (1946 – 48) тігін және аяқкиім бұйымдарын тігетін жабдықтар шығарды. 1948 жылдан таразы аспаптарын шығаруға мамандандырылып, 1951 жылға дейін таразы шығарды, 1953 ж. таразыға қажетті циферблатты көрсеткіштерді жасауды игерді. 1974 ж. прибор жасау з-тына айналдырылды. З-т циферблатты және шкалалы сан алуан таразылар (автомоб., вагон, т.б. өлшейтін), көрсеткіштер, параметрлердің тербелісін өлшейтін аспаптар, сондай-ақ халық тұтынатын тауарлар: конькилер, тұрмыстық таразылар, машиналардың диагностик. және балансирлік тербелісін талдауға арналған прибор түрлерін шығарады. З-ттың мәдениет үйі, стадионы, пионер лагері, балалар бақшасы, қосалқы шаруашылықтары болды.