Көшеней рүстембекұлы

Үлгі:Қорық аймақ‎ Көшеней рүстембекұлы  (22.8.1946, Қызылорда обл. Қармақшы ауд. Ленин атынд. а. – 8.3.1973, Мәскеу) – жырау. 1968 ж. Қызылорда пед. ин-тының филология ф-тін бітірді. 1967 – 70 ж. Қармақшы ауд. Ақжар а-нда мұғалім, 1970 – 71 ж. Қазақстан ҒА-ның М.Әуезов атынд. Әдебиет және өнер ин-тының стажер-зерттеушісі болған. 1971 – 73 ж. М.Горький атынд. әлем әдебиеті ин-тының халық шығармашылығы бөлімінде жұмыс істеді. Жыраулық өнерді ата-бабаларынан үйренген. “Көроғлы”, “Рүстем-дастан”, “Қобыланды”, “Алпамыс”, “Қыз Жібек”, т.б. эпостық жыр-дастандарды, қазақ ақындарының (Базар жырау, Кете Жүсіп, Жиенбай жырау, Тұрмағамбет, т.б.) шығармаларын жатқа айтып, ел арасына таратты. К-дің орындауындағы “Көроғлы”, “Қобыланды” жырларының негізгі ерекшелігі – көне мақам-сазға құрылуы. К-дің ақын ретіндегі шығармаларының біразы мерзімді баспасөз бетінде, “Қазақтың қазіргі халық поэзиясы” (1973), “Жамбыл және қазіргі халық поэзиясы” (1975) атты жинақтарда жарық көрді. Оның “Қобыланды батыр” дастанын орындау кезінде пайдаланатын төрт түрлі муз. әуені нотаға түсірілді, 14 толғау, термесі күйтабаққа жазылып алынды. К. “Құлагер” фильміне түсіп, Ақан сері баласының бейнесін сомдаған.   Әдеб.: Қаратаев М.,  Вершины впереди, А.-А., 1972; Қоңыратбаев Ә., Эпос және оның жинаушылары, А., 1975; Тәжібаев Ә., Жылдар, ойлар, А., 1976.