Ыдырыс Көшкінов

Үлгі:Қорық аймақ‎ Көшкінов ыдырыс  (1897, Алматы обл. Кеген ауд. – 1944, Ресей, Архангельск обл.) – қоғам және мемлекет қайраткері. 1917 ж. Жаркент а. ш. мектебін бітірген. 1919 ж. Жаркенттің тұңғыш атты әскер эскадроны құрамында ақ гвардияшыларға қарсы күресті. 1921 – 24 ж. Жаркент уездік атқару к-тінің бөлім меңгерушісі және оның төрағасы. 1924 – 26 ж. Жетісу губ. атқару к-тінің төрағасы. 1926 – 35 ж. Бат. Қазақстан, Ақтөбе және Ақмола, Қарағанды обл. атқару к-ттерінің төрағасы. 1935 жылдан БК(б)П Қазақстан өлкелік бақылау комиссиясы төрағасының орынбасары және төрағасы, жұмысшы-шаруа инспекциясының халкомы, БК(б)П ОК партия бақылауының Қазақстан жөніндегі өкілінің орынбасары. БК(б)П Қазақстан өлкелік к-ті мен Қазақстан өлкелік бақылау комиссиясының мүшесі, 5 – 9 сайланған ҚазОАК және 2 – 4 сайланған КСРО ОАК-нің мүшесі болды. 1937 ж. “халық жауы” ретінде Сібірге жер аударылып, сол жақта жүріп қайтыс болды. 1960 ж. ісі қайта қаралып, ақталды. К. туған ауылы Ұзынбұлақта 4 сыныптық мектеп ашу ісіне ұйтқы болды. 1964 ж. осы мектепке К. есімі берілді. 1997 ж. Алматы обл. Райымбек ауд-нда К-тің туғанына 100 жыл толуы атап өтілді.