Бозбас қызылқұйрық — нұсқалар арасындағы айырмашылық

Түйіндемесі өңделмейді
(Жаңа бетте: Бозбас қызылқұйрық('Phoenicurus coeruleocephalus') - өз атауын дәлелдей алмайтын тек қана жалғыз қызылқұйрық...)
 
Бозбас қызылқұйрық('"Phoenicurus coeruleocephalus'") - өз атауын дәлелдей алмайтын тек қана жалғыз қызылқұйрық құс, өйткені бұл құстың құйрығы қызылсары реңді емес - қара. Аталығы азалы кейіппен жасанған: оны толық қара реңді десе де болады, тек қана бауыры және қанатындағы көзтартары - ақ, ал төбесі көгілдір күлгін түсті. Аналығы - сұрғылт қоңыр, құйрығы - қара, құйрықасты сарғылт қызылсары реңді, қалған кейпі нағыз қызылқұйрыққа ұқсас, бірақ бунақденелілерді судан айлай алмайды. Шақыру дыбысы - ақырын(дабыл болса - ащы) былдырақтау. Әуені өте баяу және <<трц-трц-трц>> деген дыбысты көп қайталаудан тұрады. Аталықтары әдетте шыршаның ұшар басынан сайрады, олжаны аулау үшін төменгі бұтақтарға ұшып қонады.
Бозбас қызылқұйрық Гималай, Гиндукуш және Орта Азия тауларына қоныстанады. Қазақстанда ол тек қана Тәңіртау және Жоңғар Алатауына ұялайды. Мұндайда шыршалы ормандарға, сирек те болса теңіз деңгейінен 2500-2000 м биіктікке дейін биік діңді аршалы ормандарға орын тебеді. Қыста Қазақстан шегінен кетіп, Тәжікстанда және Өзбекстанның оңтүстігінде қыстайды.
Бозбас қызылқұйрық аузы ашық тостағанша тәрізіді ұясын жасырын орындарға - тас астына, түбір және томар астына, жартастардың таушаларына жерге орналастырады. Салындыдағы 3-5 ашық түсті(көгілдір реңкті ақ түстен сарғыш түске дейін) жұмыртқаларды аналығы екі апта бойы басады. Балапандарды ата-енелері сонша уақыт ұяда жемдейді және ұядан ұшып кеткеннен кейін бірнеше апта қоректендіреді. Бір жылда 2 рет балапан өргізеді. Қазақстанда сәуірден қазаңға дейін кездеседі.