Қапшағай — нұсқалар арасындағы айырмашылық

|ауданы =
|кестедегі аудан =
Қапшағай
Қапшағай өңірі Алматы облысының оңтүстік-орталық бөлігінде, Қапшағай су қоймасының жағасында, Алматыдан 70 км. жерде орналасқан.
Қапшағайда тұщы судың ірі қоймасының болуы себебінен ерекше микроклимат түзіледі, бұл осы өңірдің флорасы мен фаунасының дамуына жағымды әсерін тигізеді.
Қапшағай қаласының туристік әлеуеті Қапшағай су қоймасының ресурстарына негізделеді. Іле өзенінің оң жақ жағалауындағы жартастарға салынған суреттер және «Көшпенділер фильмінің» декорациялары туристердің қызығушылығын арттыруда.
Қапшағай су қоймасы Іле өзенінің орта ағысында орналасқан жасанды су қоймасы болып табылады, оның ұзындығы 100 км, ені 25 км. Табиғи-климаттық жағдайларына байланысты, бұл жер Алматы қаласы және облысының тұрғындары үшін жағажай демалысына таптырмайтын орын болды. Жазда бұл жердің ауа температурасы +40°С. Мамыр-маусым айларында су температурасы +18+20°С жетсе, шілде-тамыз айларында +22+28°С дейін жетеді.
Қапшағайдағы туристер ең жиі баратын жер – 1994 жылы арнайы итальяндық жоба бойынша салынған қалалық аквапарк. Бұл кешенде балаларға, сондай-ақ үлкен кісілерге арналған арнайы су аттракциондары бар.
Жасанды су қоймасының жағалауында 150-ден астам демалыс базалары орналасқан. Бұл орындар және олардың ұсыныстары туристердің қалауы және жағдайы бойынша алуан түрлі болып келеді.
Кейінгі жылдары Қапшағай су қоймасының демалыс базаларына әр түрлі іс-шаралар, би кештері, спорттық жарыстар, түрлі акциялар өткізу кеңінен таралып келеді.
Келешекте Қапшағай қаласының аумағында жобалық атауы «Жаңа Іле» болып келетін ірі туристік орталық және ойын-сауық қалашығының құрылысы жоспарлануда.
Қапшағай қаласы 1970 жылы құрылды.
Жалпы ауданы: 3,6 мың км.
Халық саны: 46,0 мың адам
Алматы қаласынан: 70 км жерде
Талдықорған қаласынан: 209 км жерде
 
 
ҚАПШАҒАЙДАҒЫ ТУРИЗМ
«Қапшағай аумағында 2008-2011 жылдарға туризмді дамытуға арналған бағдарламасын бекітуі» туралы шешімін жүзеге асыру үшін «Қапшағай қаласының дене тәрбиесі мен спорт бөлімі» мемлекеттік мекемесімен, Қапшағай аумағында бәсекелесуге қабілетті туристтік индустрияны қалыптастыру үшін, мемлекеттік қазынаға пайда түсіру мақсатымен, тұрғылықты халық арасында тұрақты қызмет көрсету саласы бойынша жұмыспен қамтамасыз ете келе, Қапшағай өңірін туристтік орталыққа айналдыру мақсатымен нақты жұмыстар жасалды.
Іле өзенінің бойымен Қапшағай ГЭС-ң салынуы барысында пайда болған Қапшағай қаласы – ол Алматының серігі болып табылады. Қапшағай су қоймасы Қазақстандағы ең үлкені болып табылады, бүгінгі таңда Алматы облысында жаздық демалыс орны ретінде, келушілер саны бойынша алдыңғы қатарда. Көбірек игерілген болып солтүстік жағасы табылады. Себебі, көптеген демалыс орындары, пансионаттар, отбасылық – ойын-сауық орталықтары осында орналасқан. Қапшағай су қоймасының оңтүстік және солтүстік жағажайларында істеп жатқан 175 демалыс орындары бар. Жағажайдағы демалыс орындары өздерінің аумағы бойынша 3 секторға бөлінеді.
• -1 сектор – қала аймағында орналасқан демалыс орындары. Барлығы 38 демалыс аймағы.
• - 2 сектор – солтүстік жағажайында орналасқан «Ермин» және «Ассорти» пансионаттарының жанындағы 27 демалыс орындары.
• - 3 сектор – Қапшағай қаласынан 40 шақырым жерде орналасқан барлығы 110 демалыс орындарын құрайтын демалыс аумақтары. Осы сектордағы шағын демалыс орындарының негізгі қызметі, тамақтану мен жатын орындары бойынша мүкіндік жасау. Жазды күні шомылу науқанының басталуымен Қапшағай қаласының тұрғындар саны 3 есеге ұлғаяды. Қазақстанның әр облыстарынан келушілер арқасында шамамен 160 мың адам болады.
2010 жылдың 1 мен 30 мамыр айының аралығында Х мерейтойлық Іле-Балхаш регатасы өтті. Регатаның басталуы Алматы облысындағы туристтік науқанның басталуының белгісі болып табылады. Осы өңірдің керемет дер бедерінің арқасында, бір тәулік ішінде тауды да, жағажайды да, тіпті қорықтарды да аралап шығуға болады.
Солтүстік жағажайдағы «Бейбарыс» демалыс орнында орналасқан Қапшағай қаласының сыртындағы «Мұрагер» экологиялық лагері, суға түсу науқанының басталуыменен 9 бен 15 жас аралығындағы балалар үшін өздерінің есіктерін айқара ашады. Жолдама бағасы 9500 теңгені құрайды, демалыс бағдарламасына: экскурсиялар, аквапаркке бару, лагердегі мерекелік шаралар мен 5 мезгілді тамақтану кіреді. Аталмыш лагерге Қапшағай қаласының балалар үйіндегі жеткіншектер мен көп балалы отбасынан шыққан балалар тегін келеді.
Соңғы жылдардағы сараптама бойынша Қапшағай жағажайларында туризм индустриясының қарқынды дамуы байқалды. 2010 жылдың көрсеткіші бойынша ақылы туристтік-сауықтыру қызметі 385000,0 мың теңгені құрады. Аумақта қызықтыратын туристтік имиджді қалыптастыру үшін кең ауқымда іс-шаралар жасалу қажет.
Негізгі имидждік шаралар болып, туристтік фирмаларының Қапшағай қаласының демалыс орындарының, мемлекетаралық, республикалық, облыстық туристтік көрмелерде, жәрмеңкелер мен конференцияларда қатысуы және аталған шараларға іспеттес жұмыстарды Қапшағай аумағында да жүргізу керек. Қалада барлығы 5 туристтік фирмалар жұмыс істейді: ЖШС «Шиндал Сан», ЖШС «Джанд Тур», ЖШС «Туристтік фирма Учкудук – Үш құдық». Олардың негізгі жұмыстары ішкі және кіретін туризмнің артықшылықты дамуына бағытталған.
Қапшағай қаласында орналасқан туристтік фирмалар,әр жылы облыстық туризм, дене тәрбиесі мен спортты басқаратын басқарманың ұйымдастырылуымен өтетін жәрмеңкелер мен экспедицияларға қатысады. 2010 жылдың шілде айындағы «Сарқылмас Саяхат» атты мемлекетаралық жәрмеңкеге Қапшағай қаласынан: спорттық-сауықтыру «Оазис» кешені, «Қапшағай Фарфор» АҚ, ЖШС «Аквапарк» пен «Марат» фотосалоны қатысты. «Алматы облысының туристтік саласының мүмкіншіліктері» атты облыстық конференциясында «Оазис» спорттық-сауықтыру кешені өздерінің инвестициялық жобаларын ойдағыдай қорғады.
Сондай-ақ Бағдарламаны іске асыру барысында жаңа туристтік объектілерді салу жоспарлануда.
Соныменен, Қапшағай қаласында 2010 жылы жаңадан 3 туристтік ғимараттар іске қосылды.
Бағдарламаның басты себептерінің бірі болып балалар мен жасөспірімдер туризмін дамыту болып отыр. Осы бағытты ұстана отырып, «Менің отаным - Қазақстан» атты экспедициялар мен аумақтық сапарлар ұйымдастырылды.
- «Мұрагер» экологиялық жасағымен «Тамғалы - Тас» экологиялық акциясы өтті. Аталмыш шара, дәстүрлі Іле-Балхаш регатасының басталуының алдында өтті. Бұл жасақ қоқсықтарды жинап, «Достық» аллеясында терек ағашының көшеттерін отырғызуына байланысты экологиялық акциясын өткізді. «Табиғат» атты экологиялық одақтың төрағасы М.Х.Елеусізов пен Есік хайуанаттар бағының директоры А.С.Шляховтың қатысуымен экологиялық конференция өткізілді.
Шыңға өрмелеуден жатықтырушы Е.Мизерныхтың бастауымен сапар желісі: 3 км, 5км, 10 км болатын «Капшағай - Шарын», «Шелек - Қапшағай» 2010 жылдың ақпан айында өткен «Қазақстан – менің Отаным» атты экспедициясында Қапшағай қаласынан шыңға өрмелеуден құрама командасы қатысты.
Сондай-ақ, туристтік сапар желілері ұйымдастырылды. Қапшағай су қоймасында 3 су сапар желілері жұмыс істейді:
• - 1 сапар желісі: Іле селосының тарихы
• - 2 сапар желісі: Қапшағай қаласының туристтік-сауықтыру орталығы ретінде дамуы. Қапшағай су қоймасы бойынша жалпылама экскурсиясы. (2 сағаттық)
• - 3 сапар желісі: «Тамғалы Тас» Жібек жолы бойынша жалпы экскурсиясы. «Мұрагер» жасағы Қапшағай қаласының БАЭД мемлекеттік инспекторымен Б.Қ.Мақсаламова мен бірлесе отырып экотуризмді дамыту мәселелерімен жұмыс істеуде. Виндсерфинг, желкенді спорт, су шаңғысы, балық аулау, аңшылық және скутер сияқты спорттың белсенді түрлері қарқынды даму үстінде.
Аумақтық туризмнің инфраструктуралық дамуы үшін көлік және жол инфраструктурасының көпшіліккедамуы қажет
Калигулова Еркемай, іс жүргізуші
Білім және спорт бөлімі
 
 
 
Мұнда әлемнің ең үздік курорттарындағыдай жоғары санаттағы қонақүйлер, «робинзонада» үлгісіндегі пансиондар және ұлттық үлгідегі, емдік қасиеті бар құм жағажайының демалыс орындары айтарлықтай көп. Таза ауа, ғажап таза су, яхталар, су мотоциклдері, теплоходтар және судағы басқа да таңғажайыптар жылдан-жылға алыс және таяу шетелден қонақтарды қызықтыруда.
 
Қорық жерлермен ағатын мың шақырымдық Іле өзені жыл сайын Қапшағайдан Балқаш өзеніне дейін баратын көптеген мемлекеттерден келетін «жабайы» туристер үшін орны ерекше сый. Таңғажайып және әлемдік назар аударарлық орындардың әуесқойлары сапарларын Қапшағайдан бастаса, бірнеше күн бойы «теңіздің» солтүстік-шығысында «Ән салып тұрған құм төбелерді»; Жоңғар Алатауының таулы өзендері бар Альпі қарағайларын; адамзат мекендемейтін Сарыесік-Отырау шөлін; Ыстықкөл өзеніне қарай жүретін туристік бағыттың тау өткелдерін, Қапшағай қаласынан бес шақырым төменде орналасқан екі мың жыл бұрынғы жартастардағы суреттерді; ерте заманнан бері әлемде қалған екі тораңғы терегін және осы аймақтағы басқа да қызықтарды көре алады. Қала аймағында өзен айлағы, жолаушы кемелері және Қытай халық республикасының Дугунь айлағына дейін баратын жүк баржалары бар. Қапшағайда түйісетін және Қытай, Ресей жіне Орта Азия мемлекеттерін біріктіретін автомобиль және теміржол көлік магистральдарі қаладағы әртүрлі бағытта дамитын бизнес-құрылымды тартатындғы анық.
 
 
 
 
 
1. Көктөбе және Алматы телемұнарасы. Теңіз деңгейінен 1130 метр биіктікте орналасқан Көктөбеге фуникулер мен шағын автобустар арқылы жетуге болады. 1967 жылы салынған фуникулер жолдары Алматының ел аузында «компот» деп аталған жер үйлер орналасқан аудан арқылы жүріп өтеді. Көктөбеде мейрамханалар, «Beatles» ескерткіші, хайуанаттар бағы, алтыбақан, атракцион орналасқан. Көк төбеге шығып, Алматы қаласының толық көрінісіне тамсануға болады. Биіктігі 372 метрге жететін Алматы телемұнарасы 1975-1983 жылдары салынған.
2. «Beatles» ескерткіші. Әйгілі ливерпуль төрттігіне арналған ТМД елдерінің аумағындағы алғашқы ескерткіш 2007 жылы қойылды. Қола төрттігінің авторы Эдуард Казарян.
 
3. Республика Сарайы. Достық және Абай даңғылының қиылысында орналасқан ғимаратта мәдени іс-шаралар, концерттер, фестивальдер өткізіледі. Сарай алаңында ғұлама ақын Абайдың ескерткіші орнатылған.
 
4. 28 гвардияшы панфиловшылар атындағы саябақ Медеу ауданында орналасқан. Аумағы 18 гектарға жететін саябақ ішінде Вознесенский кафералық үлкен шіркеуі, Офицерлер үйі, Ықылас атындағы халық аспаптар мұражайы, даңқ мемориалы, И.В. Панфилов пен Бауыржан Момышұлы ескерткіштері бар.
5. Даңқ мемориалы 1975 жылы жеңістің 30 жылдығына орай салынды. 1975 жылдың 8 мамырында ашылып, мәңгілік алау жағылды. Сол жағында «серт» горельефі, ортада Мәскеу үшін өмірлерін қиған қаһармандардың образы бейнеленген «Ерлік» триптихы, оң жақта «атақ-даңқты ұрандатқан» композиция орналасқан.
 
6. Офицерлер үйі 1978 жылы салынды. Жоба авторлары – Ю.Г.Ратушный, О.Н. Балықбаев, Т.Е. Ералиев. 28 гвардияшы панфиловшылар атындағы саябақтың шығыс жағында орналасқан.
7. Ықылас атындағы халық аспаптар мұражайы 1980 жылдан бастап жұмыс істейді. Мұражайда қазақтың барлық халық аспаптары жиналған. Мыңнан астам жәдігер өнерсүйер қауымның назарына ұсынылады.
 
8. Орталық мешіт 1999 жылы шілде айында салынды. Мәрмәр тастардан қашалған мешіт ислам дінінің нышанына айналды. Мешіттің төбесіндегі көк күмбез жанында ұзындығы 47 метрге жететін мұнара орналасқан.
 
9. Тәуелсіздік монументі. Жаңа алаңда орналасқан монумент қазақ халқының дамуы мен қалыптасуын аяндайтын тарихи шежірені бейнелейді. Кешеннің ортасында тәуелсіздіктің нышанына айналған «Алтын адам» орналасқан.
 
10. Медеу спорткешені. Қаладан 15 шақырым жерде орналасқан кешен 1972 жылы Медеу шатқалында салынды. Мұз айдыны еш қоспасыз, тау бұлағынан аққан су мен табиғи аяздан қатаяды. Медеу теңіз деңгейінен 1,691 метр биіктікте орналасқан. Аумағы 10 500 шаршы метр. Спорткешенде «Медеу» қонақүйі, сауықтыру орталығы, баспасөз орталығы, мейманхана, 2 жүзу бассейні орналасқан. Қыс мезгілінде демалыс күндері әуесқой конькишілерді сағат таңғы 9:00-ден түнгі 23:00-ге дейін қабылдайды. 2011 жылы айдында VІІ қысқы Азия ойындары кезінде жарыстар өткізілді.
 
|ішкі бөлінісі =
|әкімі = Таубаев Наурызбай
44

өңдеме