Күршім жотасы: Нұсқалар арасындағы айырмашылық

'''КҮРШІМ ЖОТАСЫ'''– Алтай тауларының оңт.-батыс сілеміндегі жота. Шығыс Қазақстан обл. Күршім ауд. жерінде. Нарын, Сарымсақты және Оңт. Алтай жоталарының оңт-нде, оңт.-батыстан солт.-шығысқа қарай 130 – 135 км-ге созылып жатыр, ені 25 – 30 км. Ең биік жері 3305 м (Ақсубас тауы). Шығыс бөлігінің оңт-нде Марқакөл көлі жатыр. Жота девонның туфынан және эффузивті жыныстарынан, палеозойдың құмтастарынан түзілген. Гранит интрузивтері де кездеседі. Жотаның солт. беткейі тік құлама. К. ж. Салқыншоқы (2084 м), Сарытау (2646 м), Ұлтабар (2722 м), т.б. жеке таулар мен тау сілемдерінен тұрады. Тау беткейлерінен Күршім өз-нің сол салалары: Қыстау Күршім, Қойшілік, Сорная, сонымен бірге Марқакөл көлінен ағып шығатын Қалжыр және оның салалары Шұқырқалжыр, Қараағаш, Березовка, т.б. өзендер бастау алады. Тар және терең шатқалдардың солт. беткейлерінде қылқан жапырақты, тау шатқалдары мен етегінде жалпақ жапырақты орман қалыптасқан. Тауларда (2000 м-ден жоғары) альпілік шалғын шөптер, астық тұқымдас шөптесіндер өскен. Жануарлардан қоңыр аю, таутеке, қасқыр, түлкі, борсық, суыр, тиін кездеседі. Тау етегінде жусан, боз, бұта және жапырақты орман өседі.[[Сурет:Сурак.jpg‎|right|thumb|]] [[Санат:К]]