[[File:Bundesarchiv Bild 183-2003-1128-500, Münchener Abkommen, Unterschrift Benito Mussolini retouched.jpg|thumb|left|Муссолини Бенито қол қою сәтінде]]'''Муссолини Бенито'''<ref name="source1">Қазақстан энциклопедиясы, VI-том</ref> (29.7.1883., Форли – 28.4. 1945, Донго) – [[Италия]]ның фашистік[[фашист|фашизм]]ік диктаторы (1922 – 43). Саяси қызметін 1912 – 14 ж. Италия Социалистік партиясының (ИСП) орталық органы “Аванти” газетінің редакторы болудан бастады. 1914 ж. Италияның Антанта жағында соғысқа қатысуын жақтағаны үшін партиядан шығарылды. 1919 ж. фашистік партияның негізін құрып, оның басшысы (дуче) болды. 1922 ж. “Римге жорық” ұйымдастырып, үкімет билігін тартып алды, 1926 жылдан фашистік диктатура орнатуға кірісті. 1933 ж.Германияда фашистік диктатура орнағаннан кейін Муссолини үкіметі онымен әскери-саяси одақ құруға тырысты. Басқыншылық сыртқы саясат жүргізіп, 1935 ж. [[Эфиопия]]ны (Абиссиния), 1939 ж. [[Албания]]ны жаулап алды.[[File:Mussolini e Petacci a Piazzale Loreto, 1945.jpg|thumb|left|Муссолини және оның көңілдесінің басқа да фашисттермен бірге асылып қойылған мүрделері,Милан,1945ж]]Германиямен және [[Жапония]]мен қатар [[екінші дүниежүзілік соғыс|2-дүниежүзілік соғыстың]] басталуына себепші болды. 1943 – 45 ж. Муссолини Солтүстік Италиядағы немістер басып алған аумақта құрылған Сало республикасы аталған үкіметті басқарды. Муссолиниді партизандар тұтқындап, Солтүстік Италияны Азат етудің ұлттық комитеті әскери трибуналы өлім жазасына кесті.
