Ефремов Филипп Сергеевич: Нұсқалар арасындағы айырмашылық

'''Ефремов Филипп Сергеевич ''' (1750 — 1811) — орыс саяхатшысы. [[Орынбор]] губерниясының шекаралық аудандарында әскери қызметте болған. 1774 жылы [[Ресей]] мен [[Қазақ]] даласы шекарасындағы Теңіз қарауылында әскери қызметте жүріп, тұтқынға түседі, одан Бұхар ханы Даниярбекке құлдыққа сатылады. Тұтқында жүріп, Ефремов түркі, парсы тілдерін үйреніп, шығыс халықтарының әдет-ғұрпын, мәдениетін зерттейді. Бұхар ханының сеніміне ие болып, ол бұхар әскерінің құрамында соғыстарға қатысып, жауынгерлік ерлік көрсетеді. Хан оны жүзбасы, кейіннен емші етіп [[Хиуа]]ға, [[Иран]]ға жұмсайды. Көп ұзамай Ефремов [[Бұхара]]дан қашып кетіп, [[Қашқария]], [[Тибет]], [[Үндістан]]ды аралап, [[Англия]] арқылы 1784 жылы Ресейге қайта оралады. Ресейге келген соң, Ефремов Шет елдер коллегиясында шығыс тілінен аудармашы болып істеді. Ефремовтің тұтқындағы және саяхат кезіндегі көрген-білген жазбалары 1786 жылы [[Санкт-Петербург]]те басылып шықты. Оның жазбаларында өзі болған мемлекеттердің тарихы жайындағы мәліметтер, Бұхардың, Хиуаның, [[Қызылқұм]]ның табиғаты туралы қызғылықты деректер келтірілген.<ref>Қазақ энциклопедиясы</ref>